ازادۍ جبهې په پلخمري کې څلورو وسلوالو ته د مرګ ژوبلې ادعا کړې ده

AP ۱۴۰۲ لیندۍ ۷

د ازادۍ په نوم د طالبانو یوې وسلوالې مخالفې جبهې ادعا کړې، چې د بغلان په مرکز پلخمري کې یې د طالبانو د استخباراتو پر ښاري مدیریت برید کړی، چې له امله یې درې وسلوال طالبان وژل شوي او یو ټپي دی.

د ازادۍ جبهې نن سې شنبه (د لیندۍ اوومه) پر خپلې اېکس پاڼې د یوې ویډیو په خپرولو سره ویلي، چې د طالبانو د ښاري استخباراتو د مدیریت پر دروازې یې نن ماښام ۶:۳۰ برید کړی دی.

په ویډیو کې ښکاري، چې څو تنه د شپې له تیارې په استفادې یوه رڼا ځای ته لاسي بمونه غورځوي او له هغې وروسته چاودنه رامنځته کیږي.

تر اوسه په دې اړه طالبانو رسنیو ته څه نه دي ویلي.

افغانستان انټرنشنل - پښتو د یوې بې پرې رسنۍ په توګه نه شي کولی، چې د ازادۍ جبهې یاد برید تایید یا رد کړي؛ خو تېره ورځ یادې جبهې په کابل کې درې پرلپسې بریدونه کړي وو، له لږ تر لږه لسو طالبانو ته یې پکې د مرګ ژوبلې ادعا کړې وه.

نور خبرونه

رادیو

ستاسو د غږ لپاره کور

خپل فلمونه او غږونه را ولېږئ