له پاکستانه ۴۰۷ زره افغان کډوال افغانستان ته ستانه شوي دي

د طالبانو د دفاع وزارت نن دوشنبه د ( لیندۍ ۱۳ مه ) پر اېکس پاڼې د یوې خبرپاڼې په خپرولو سره لیکلي، چې تېره ورځ ماښام د اسلامي نړۍ علماو لوړ پوړي پلاوي د طالبانو دفاع له وزیر سره لیدلي دی.

په دغه خبرپاڼه کې راغلي، چې په لیدنه کې ملا یعقوب د افغانستان له خلکو سره د اسلامي هېوادونو له هر اړخیزو همکاریو او هر اړخیز ملاتړ څخه مننه وکړه او ویې ویل چې له شک پرته، چې دغسې ليده کاته به د حکومتونو او خلکو تر منځ اړیکې لا پیاوړې کړي.
د طالبانو دفاع وزیر پر غزې د اسراییلو بمباري وحشیانه وبلله.

د اسلامي نړۍ علمانو پلاوي په استازیتوب علي محمد "قره داغي"خبرې وکړې.

د اسلامي نړي علماو پلاوي د طالبانو له یو شمېر نورو چیکپوړو چارواکو سره هم ناستې درلودې.

افغانستان انټرنشنل - پښتو ته سرچینې وايي؛ د اسلامي نړۍ د علماو پلاوي له طالب مشرانو غوښتي چې په افغانستان کې د نجونو تعلیم او ښځو ته د کار اجازه ورکړي؛ ترڅو د اسلامي نړۍ د علماو غاړه خلاصه وي.

دغه سرچینه زیاتوي؛ طالب چارواکو دغه پلاوي ته مثبت او قناعت وړ ځواب نه دی ورکړی.

طالبان که څه هم د دغو ناستو په اړه د دې ډلې په خوښه څرګندونې په خبرپاڼو کې راخلي؛ خو تراوسه پورې د اسلامي نړۍ د علماو له دغو څرکندونو یادونه نه ده کړې.

د بښنې نړیوال سازمان له خوا د ښځو پر وړاندې د تاوتریخوالي د له منځه وړلو د ۱۶ ورځني کمپاین پر دوام د دغه خوځښت غړو په ټولنیزو شبکو کې د یوې ویډیو په خپرولو سره ویلي چې، د طالبانو پرله پسې فرمانونو په سیستماتیک ډول افغان میرمنې له ټولنې ایستلې دي.

د ښځو د حقونو فعاله حبیبه توخي وایي چې، ان په ټولو ټولنیزو او سیاسي برخو کې پر افغان ښځو بندیزونو او په سیستماتیک ډول له هرې برخې اېستلو هم نړۍ په افغانستان کې د ښځو د حقونو ښکاره نقض ته متوجه نه کړه.

میرمن توخي د طالبانو په بند کې د دوو معترضو ښځو (ژولیا پارسي او پریسا آزاده) د نومونو په یادولو سره وايي چې دوی د «ظلم او جنایت په وړاندې د غږ پورته کولو په جرم شکنجه کیږي.»

نوموړې د بشري حقونو پر بنسټونو نیوکه وکړه او زیاته یې کړه چې دغو بنسټونو تل په افغانستان کې د ښځو د حقونو د نقض او د جنسیتي توپیر په وړاندې "شرمونکې" چوپتیا غوره کړې ده.

په ورته وخت کې د «عدالت او ازادۍ لپاره د افغانستان ښځو» په نوم د خوځښت غړي د «ډوډۍ_کار_آزادي» په شعار سره له نړۍ غواړي چې په افغانستان کې جنسیتي توپیر په رسمیت وپېژني.

دغه پیښه نن له غرمې وروسته هغه مهال رامنځته شوه چې منظور پښتین د چمن له پرلت څخه د تربت په لاریون کې د ګډون په موخه د تلو په حال کې و.

له دغې پيښې څخه څو دقیقې وړاندې منظور پښتين د چمن په پرلت کې په تربت کې د بلوڅانو په پرلت کې د ګډون یادونه کړې وه.

د سرچینو د معلوماتو له مخې په برید کې منظور پښتین ته زیان نه دی رسیدلی خو په سیمه کې د پولیسو په ډزو کې یو ښځه ټپي شوې ده.

پولیس وايي له هغه وروسته يې د دغوپښتنو ملتپاله ګوندونو د غړو د نیولو هڅه پیل کړې چې وړمه ورځ دوی په ګډه د کراچۍ پریس کلب مخې ته د افغان کډوالو په زور اېستلو پر ضد احتجاجي مظاهره کړې وه.

دغو ګوندونو له حکومته غوښتي وو، چې له پاکستانه په زور د افغان کډوالو د اېستلو بهير په سملاسي ډول ودروي او په سيند کې هم د افغانانو او ځايي پښتنو ځورول بند کړي.

پوليس وايي مظاهره کوونکو د پاکستان حکومت پرضد څرګندونې کړې وې، او د دوی په خبره هڅه يې کړې وه چې خلک د حکومت په ضد راوپاروي.

همدارنګه د کراچې پوليسو تېره ورځ د دغه ښار په بنارس نومې سیمې باچاخان څلورلارې کې چې ډیری اوسېدونکي يې پښتانه دي، د پښتونخوا ملي عوامي ګوند ته د غونډې اجازه نه وه ورکړې.

د پښتونخوا ملي عوامي ګوند د سيند مشر سليم خان ترين رسنیو ته ویلي، دغه ګوند د خپل بنسټګر عبدالصمد خان اڅکزی د پنځوسم تلين په ياد په کراچۍ کې غونډه رابللې وه خو پولیسو يې مشران د غونډې له ځایه بیرته ستانه کړي وو.

ښاغلی ترین وړاندې وايي: «د اجازې باوجود پوليسو غونډې ته نه پرېښودلو د سيند سرپرست حکومت د پښتونخوا ملي عوامي ګوند ته د غونډې اجازه ورکړې وه خو بیا یې بیرته ارادې بدلې شوې»

کراچۍ ښار کې د پولیسو یوه مشر امين کوسو رسنیو ته ویلي چې د یادو ګوندونو له سلو زیات کسان يې معلوم کړي چې د حکومت پر ضد يې خلک مخالفت ته رابلل: «د دغو ټولو کسانو د نیولو هڅې روانې دي او هیڅوک به د حکومت پر ضد پاروونکو خبرو ته پرینږدو.»

خو احتجاج کوونکي وايي دوی وړمه ورځ د پریس کلب مخې ته سوله ییز احتجاج کړی او د هیچا پر ضد يې خبرې نه دي کړې.

د پاکستان لنډمهالي حکومت دغو دوو وزیرانو د یوې ټلویزیوني مرکې پر مهال ویلي، «طالبان دې افغانان خپل هیواد ته ستانه کړي خو موږ ته دې هغه پاکستانیان را وسپاري چې په افغانستان کې اوسیږي.»

د پاکستان لنډمهالي حکومت د کورنیو چارو سرپرست وزیر سرفراز بکټي د پاکستان دولتي تلویزیون سره په یوه مرکه کې افغان کډوالو ته په اشاره ویلي، «هغه کسان چې بې اسنادو پاکستان ته راځي په زور به له دغه هیواده اېستل کیږي.»

بکټي وړاندې وويل، «طالبان دې په افغانستان کې میشت پاکستاني وګړي پاکستان ته وسپاري.»

نوموړی وايي: «طالبانو ژمنه کړې وه، وايي هغه ډلې چې د پاکستان پر ضد له افغانستانه فعالیت کوي هغوی ته به په افغانستان کې ځای نه ورکوي خو طالبانو دا ژمنه نه ده پر ځای کړې او زموږ کوم وګړي چې په افغانستان کې اوسیږي هغه که د ټي ټي پي ډله او یا عام پاکستانیان دي طالبان دې يې موږ ته وسپاري.»

د دې تر څنګ د پاکستان بلوچستان ایالت د اطلاعاتو وزیر جان اڅګزي د خپلې مرکې پر مهال ویلي، پاکستان طالبانو، د هغوی کورنیو او اولادونو ته پناه ورکړي وه چې له امله یې موږ د دوی واک ته له رسیدو وروسته د ډیرې همکارۍ تمه لرله.

نوموړی وايي، «دا ورته د اندېښنې وړ ده چې اوس طالبانو د دوی د غوښتنو منلو څخه انکار کوي.»

نوموړی وايي: «افغانستان دې خپل وګړي زموږ له هیواده وباسي، خو زموږ خلک دې را وسپاري. موږ فکر کاوه چې په افغانستان کې د طالبانو تر واک ته رسیدو وروسته به دوی زموږ سره ډیره همکاري وکړي ځکه موږ دوی د دوی کورنۍ او ولادونو ته پناه ورکړې وه خو اوس طالبانو زموږ د تمې خلاف عمل کوي.»

د پاکستان لنډمهالي حکومت دغه دوه وزیرانو د خپلو خبرو پرمهال ویلي هغه کسان چې پاکستان ته له ناقانونه لارو راځي، په زور به له دغه هیواده شړل کیږي.

د پاکستان کورنیو چارو سرپرست وزیر سرفراز بکټي او د بلوچستان ایالت د اطلاعاتو وزیر دا څرګندونې داسي مهال کوي چې له دغه هیواده په زور د افغان کډوالو د اېستلو لړۍ دوام لري او دغه دوه پاکستاني چارواکي ادعا کوي چې د پاکستان په ورستیو څو بریدونو کې افغان وګړي ښکېل وو.