د پاکستان د پوځ د عامه اړیکو دفتر وايي، د دغه هېواد د پوځ لوی درستیز نن امریکا ته په رسمي سفر روان شو.
د عاصم منیر دا سفر له هغه وروسته دی چې دوه ورځې وړاندې د افغانستان په چارو کې د امریکا ځانګړي استازي ولیدل.
د پوځ د عامه اړیکو په اعلامیه کې راغلي چې ښاغلی منیر به د امریکا له لوړپوړو پوځي او نورو حکومتي چارواکو سره وګوري.
دا امریکا ته د پاکستان د پوځ لوی درستیز په توګه د عاصم منیر لومړنی سفر دی.
تر دې سفر دوه ورځې مخکې د د افغانستان لپاره د امریکا ځانګړي استازي ټام ویسټ په اسلام اباد کې د عاصم منیر سره هم ولیدل.
در دې لیدنې مخکې ښاغلي وېسټ ویلي، امریکا له ترهګرۍ سره د مبارزې په چارو کې له پاکستان سره ولاړه ده.
ښاغلي ویسټد پاکستان له سفر وروسته په خپله اېکس پاڼه لیکلي، جې د پوځ له لوی درستیز جنرال عاصم منیر، د بهرنیو چارو سرپرست وزیر عباس جیلاني او د افغانستان لپاره د پاکستان له ځانګړي استازي اصف دراني سره کتلي دي او له ترهګرۍ سره یې د مبارزې ترڅنګ پر بېلابېلو موضوعګانو بحث کړی دی.
نوموړي د دغه سفر په ترڅ کې له پاکستاني چارواکو سره په لیدنه کې د ټي ټي پي په اړه د شته اندېښنو او د افغان کډوالو لپاره د اسانتیاوو په برابریدو هم خبرې کړې دي.