له ککړې هوا سره د مقابلې لپاره د پاکستان په تاریخ کې اول وار په لاهور کې مصنوعي باران وشو

لاهور تېره میاشت د نړۍ تر ټولو ککړ ښار وبلل شو.

حکومت له ککړې هوا سره بیا بیا مختلفو سیمو کې دوکانونه، دولتي ادارې او ښوونیز مرکزونه وتړل، خو د دې ککړتیا په کمولو کې پاتې راغی.

د پاکستان چارواکو له دې ستونزې سره د مقابلې لپاره مصنوعي باران ته مخه کړه او اوس وايي چې دا باران له لسو تر ۱۵ کیلومتره سیمه کې ورول شوی دی.

محسن نقوي وايي، پر دغه باران بل لګښت نه دی راغلی، یوازې اوبه یې مصرف کړې دي او زیاتوي چې د ککړې هوا که خرچې ته هم اړتیا وي، نو درېغ به یې نه کړي.

نوموړی دا هم وايي چې دا باران صحت ته تاوان نه رسوي او که یې رسولی، نو امریکا او دوبۍ کې به نه کېده.