د سوېلي وزيرستان په جژ غونډۍ سيمه کې د پوليسو پر ودانۍ د بريد پر مهال پنځه تنه مزدوران وژل شوي او يو بل ژوبل دى. د سوېلي وزيرستان پوليس وايي، دغه کسان تېره شپه د نامعلومو کسانو لهخوا په ډزو وژل شوي دي.
د پنځو مزدورانو مړي او ژوبل کس د واڼه ولسوالۍ روغتون ته لېږدول شوي دي.
د سوېلي وزيرستان د پولیسو یو چارواکی فرمان الله وايي، د پېښې په اړه به له پلټنو وروسته جزیيات شریک کړي.
تر دې وړاندې په مېرانشاه کې هم د یوه مرکز اوه تنه مزدوران تښتول شوي وو؛ خو د هغې پېښې پړه کومې ډلې په غاړه نه وه اخیستې.
د سیمې ځینې اوسېدونکي وایي، چې دغه مزدورانو ته د ټیټيپي لهخوا څو ورځې وړاندې خبرداری ورکړل شوی و چې د حکومتي ادارو سره دې له کار کولو ډډه وکړي؛ خو دوی دغه خبرداری بابېزه ګڼلې وه.
