د اسلام اباد سترې محکمې د پلازمېنې پوليسو ته سپارښتنه کړې، چې بلوڅ معترضان دې نه ځوروي. قاضي محسن اختر کياني ویلي دي، که قانون واکمن وای؛ نو دوی به له بلوچستانه دلته نه وای راغلي.
ښاغلي کیاني د اسلام اباد د پولیسو لهخوا د بلوڅ معترضو د پرله پسې ځورونې پرضد درخواست واورېد.
قاضي محسن اختر کیاني وویل، چې د چا وروڼه، پلرونه او زامن لادرکه دي، دا یوازې هغوی ته معلومه ده چې پر دوی څه تېرېږي.
محکمې بلوڅ معترضینو ته هم لارښوونه کړې، چې داسې حالت رامنځ ته نه کړي چې د دوی په وړاندې خنډونه جوړ شي.
دغه بلوڅانو له تربته دغه احتجاج د یوې امنیتي ادارې لهخوا د بلاڅ بلوڅ له وژنې وروسته د عدالت غوښتنې په موخه پیل کړی.
