څه باندې ۷۰ تنو افغان مېرمنو په اسلامي مدرسو کې د افغان نجونو د زدهکړې په اړه د ملګرو ملتونو د ځانګړې استازې رزا اوتونبایوا د وروستیو څرګندونو په وړاندې د ملګرو ملتونو سرمنشي انتونیو ګوترېش ته یو پرانیستی لیک استولی.
دغو مېرمنو ویلي، دغه ډول څرګندونې په بشپړه توګه غیر مسوولانه دي او د طالبانو د واکمنۍ پر مهال په افغانستان کې د نجونو لپاره د زدهکړې بندیز د عادي کولو په توګه ګڼل کېږي.
د افغان ښځو، فعالانو، پخوانیو قاضیانو، دیپلوماتانو او د بشري حقونو سازمانونو استازو په امنیت شورا کې د ملګرو ملتونو د استازې دریځ او څرګندونې رد کړې او ویلي یې دي، چې هغه د طالبانو لهخوا د ښځو او نجونو پر تعلیم د بندیز د عادي کولو هڅه کوي.
په افغانستان کې د ملګرو ملتونو استازې اغلې اوتونبایوا تېره میاشت د ملګرو ملتونو امنیت شورا ته وویل، چې "ډېر او کره اسناد شته، چې نجونې په اسلامي مدرسو کې زدهکړې کولی شي".
