د نولس کلنو کرېکټ نړۍوال جام سیالیو پر دوام نن افغانستان په خپلې درېیمه لوبه کې د نېپال لوبډلې پر وړاندې لوبېږي. دغه لوبه نن د کابل په وخت ماسپښین ۱۲:۳۰ بجې په بفالو پارک لوبغالي کې پیلېږي.
تر دې وړاندې افغانستان خپله لومړۍ لوبه پاکستان ته په ۱۸۱ منډو بایللې وه او نیوزیلنډ بیا له افغانستانه په یوې ویکټې لوبه ګټلې وه.
افغان لوبډله اوسمهال د ۲.۸۶۰- پاینټونو په لرلو سره د خپل ګروپ تر ټولو وروستۍ لوبډله ده.
د افغانستان ترڅنګ نن انګلنډ د ویست انډیز پر وړاندې او امریکا د بنګله دېش پر وړاندې لوبېږي.
دغه لوبې د سویلي افریقا په کوربهتوب د جنورۍ په ۱۹مه د ۱۶ لوبډلو ترمنځ پیل شوې.
