رویټرز: حماس د وړاندیز شوي اوربند لپاره د هوکړې متن څېړي

دغه خبري اژانس د یوه فلسطيني چارواکي په حواله لیکلي، چې حماس به د اوربند وړاندیز تر هغه وخته لاسلیک نه کړي، چې د اسراییل له خوا د جګړو پای ته رسولو ته ډاډمن شوي نه وي.په وروستیو ورځو کې قطر او مصر حماس ته په غزه کې د جګړې د اوږد مهاله بندولو لپاره لومړنی وړاندیز وړاندې کړ.پر دغه وړاندیز شوي متن تېره اونۍ په پاریس کې د اسراییل او امریکا د استازو په حضور کې هوکړه وشوه.حماس ویلي، چې اوسمهال د متن په مطالعې او د ځواب لپاره د چمتوالي په حال کې دي.دغه فلسطيني چارواكي ویلي، د پاريس د وړانديز شوي تړون متن په لومړي پړاو کې د ٤٠ ورځو لپاره دی، چې جګړه ودروي او حماس به پاتې ملكي يرغمل شوي کسان خوشې كوي.په راتلونکي پړاو کې به د اسراییلي پوځیانو خوشې کول او د وژل شویو یرغمل شویو د جسدونو سپارل شامل وي.دغه فلسطيني چارواکي چې نه غواړي نوم یې واخیستل شي، وایي: «زه تمه لرم چې حماس دا متن رد نکړي، خو امکان لري په بشپړه توګه هم هوکړه ونکړي.»د نوموړي په خبره، ددې احتمال شته چې حماس مثبت ځواب ووایي او خپلې غوښتنې بیا ځلې مطرح کړي.