وال سټریټ ژورنال: د سپاه پاسداران او حزب الله لوړ رتبه غړي د یمن له ساحلي سیمو څخه وتلي

AP ۱۴۰۲ سلواغه ۱۵

وروسته له هغې چې امریکا په عراق او سوریه کې د ایران د سپاه پاسداران او ورسره د تړلو ملېشو اړوند اهداف په نښه کړل؛ وال سټریټ ژورنال راپور ورکړی، چې د یمن له ساحلي سیمو څخه د سپاه پاسداران او حزب الله ۵۰ غړي وتلي دي.

په راپور کې راغلي، د ایران د سپاه پاسداران او د لبنان د حزب الله ډلې دغه پنځوس غړي د یمن له ساحلي سیمو څخه صنعا ته لېږدول شوي دي.

د دغه راپور له مخې؛ دغو کسانو د یمن په ساحلي سیمو کې د حوثي یاغیانو په بېړیو باندې د توغندیو او بې پیلوټه الوتکو په حملو کې مرسته کوله.

وړمه ورځ په عراق او سوریه کې د ایران د سپاه پاسداران او ورسره تړلو ملېشو پورې اړوندو څه باندې ۸۵ اهدافو باندې د امریکا هوايي بریدونو کې نږدې ۴۰ تنه وژل شوي دي.

د راپورونو له مخې؛ د جمعې په ماښام شویو بریدونو کې په سوریه کې لږ تر لږه ۲۳ کسان او په عراق کې ۱۶ کسان وژل شوي دي.

د امریکا مرکزي قوماندانۍ د شنبې په ورځ (د سلواغې ۱۴مه) ویلي، چې د امریکا متحده ایالاتو ځواکونو د څو جنګي او د امریکا څخه تللو لویو بم غورځونکو الوتکو پر مټ په عراق او سوریه کې په څه باندې ۸۵ موخو بريدونه کړي دي.

دغه بریدونه په اردن کې د ایران پلوه ملېشو د بې پیلوټه الوتکې برید کې د درې امریکايي پوځیانو د وژل کېدو د غچ اخیستو په موخه ترسره شوي دي.

نور خبرونه

رادیو

ستاسو د غږ لپاره کور

خپل فلمونه او غږونه را ولېږئ