متقي: د دوحې په ناسته کې د اجنډا له معلولو وروسته به د ګډون او نه ګډون په اړه پرېکړه وکړو

AP ۱۴۰۲ سلواغه ۱۶

د طالبانو د بهرنيو چارو وزير د ملګرو ملتونو له همغږي کوونکي سره په ليدنه کې ويلي، چې د دوحې په ناسته کې د غونډې د اجنډا او معلوماتو له تر لاسه کولو وروسته به په ناسته کې د ګډون او نه ګډون پرېکړه وکړي.

د طالبانو د بهرنيو چارو وزات نن دوشنبه د اميرخان متقي او د ملګرو ملتونو ځانګړي همغږي کوونکي فريدون سينيرلي اوغلو د ليدنې خبر ورکړی.

د خبرپاڼې د معلوماتو له مخې؛ په ليدنه کې اوغلو د دوحې په ناسته کې د طالبانو د لوړې کچې د ګډون غوښتنه کړې.

په خبرپاڼه کې د اوغلو له قوله ليکل شوي: «د دوحې په ناسته کې د بهرنيو چارو وزارت ته بلنه ورکول شوې، اوس د دوحيې د ناستې ګډونوال د امارت د ګډون په اړه اجماع کوي. هیله ده، چې د دوحې په ناسته کې د امارت پلاوی په لوړه کچه ګډون وکړي.»

د اوغلو سره په دې لېدنه کې د طالبانو د بهرنيو چارو وزارت ويلي، چې د دوحې د ناستې د اجنډا او معلوماتو د تر لاسه کولو وروسته به د ګډون او نه ګډون پرېکړه وکړي.

متقي زياته کړې: «د دوحې ناسته يو ښه فرصت دی، د غونډې د جوړښت، اجنډا او ترکيب په تړاو له مفصلو معلوماتو وروسته به امارت د ګډون په اړه پرېکړه کړی.»

متقي په دې لېدنه کې ويلي، چې طالبان د ملګرو ملتونو له سازمان سره تعامل ته لېواله دي.

اميرخان متقي د ملګرو ملتونو همغږي کوونکي د خپلواکې ارزونې د مثبتو ټکو هر کلی کړی او ويلي دي، چې د افغانستان په اوسني وضعت کې د يوناما په شتون کې د بل ځانګړي استازي ګمارلو ته اړتيا نه شته.

د ملګرو ملتونو همغږي کوونکي د دوحې ناسته له افغانستان سره د دوامداره پروسې له لارې د نړۍوالې ټولنې سره د تعامل او په سياسي برخه کې د پرمختګ په معنا بللې ده.

اوغلو هيله څرګنده کړې، چې نړۍوال بانک به په نږدې راتلونکي کې د افغانستان په اړه مثبته پرېکړه وکړي.

نور خبرونه

رادیو

ستاسو د غږ لپاره کور

خپل فلمونه او غږونه را ولېږئ