ښځینه معترضانې: نړۍواله ټولنه دې د طالبانو له اقتصادي ملاتړ څخه لاس واخلي
دغې شبکې نن سې شنبه (د سلواغې ۱۷مه) د یوې اعلامیې په خپرولو سره ویلي؛ نړۍواله ټولنه باید د طالبانو له اقتصادي ملاتړ څخه لاس واخلي.
دغې شبکې نن سې شنبه (د سلواغې ۱۷مه) د یوې اعلامیې په خپرولو سره ویلي؛ نړۍواله ټولنه باید د طالبانو له اقتصادي ملاتړ څخه لاس واخلي.
د افغان ښځو د سیاسي مشارکت شبکې ټینګار کړی، چې ملګري ملتونه باید د دوحې غونډه د طالبانو د حکومت د ړنګولو لپاره جوړه کړي.
دغه غونډه چې ټاکل شوې د ملګرو ملتونو له لورې د افغانستان په اړه تر راتلونکو دوو اونیو د قطر په پلازمېنه دوحه کې جوړه شي، طالبان هم وربلل شوي دي.د افغان ښځو د سیاسي مشارکت شبکه چې د ښځو اعتراضي حرکت دی همداراز په خپله اعلامیه کې غوښتي، چې په دې غونډه کې دې په افغانستان کې د ښځو او نجونو د حقونو د تضمین او ملاتړ لپاره هڅې وشي.یادو میرمنو ویلي، چې په افغانستان کې د طالبانو له بيا واکمنېدو راهيسې د افغانو ښځو پر وړاندې څه باندې ۵۲ ليکلي او لسګونه شفاهي حکمونه صادر شوي، چې په ترڅ کې یې افغانې ښځې له ټولو حقونو بې برخې شوې دي.د دوحې له غونډې څخه د ښځو او نجونو د امنیت ټینګښت، د پوهنې او روغتیا وده، د جنسیتي برابرۍ د فرهنګ وده او په افغانستان کې د وګړنیزو بنسټونو پیاوړتیا د دغې شبکې له نورو غوښتنو څخه دي.دوی همدا راز پر طالبانو د فشارونو پر زیاتېدو هم ټینګار کوي.تر دې مخکې هم د افغان ښځو یوې ډلې ملګرو ملتونو ته یو پرانیستی لیک استولی و او د دوحې په غونډه کې یې د ښځو د استازو د حضور غوښتنه کړې وه.دا غونډه به د ملګرو ملتونو په کوربتوب د هغو هېوادونو د استازو په حضور کې جوړه شي، چې په افغانستان کې ځانګړي استازي لري.د یادولو ده، چې طالبانو ویلي د غونډې د اجنډا او د ګډونوالو په اړه د معلوماتو له تر لاسه کولو وروسته به په دې غونډه کې د خپل ګډون په اړه پرېکړه وکړي.
سراج الدین حقاني:
د طالبانو د کورنیو چارو وزیر سراج الدین حقاني د هغو طالب مشرانو په ډله کې دی، چې د ملا هبت الله فرمان یې تر پښو لاندې کړی دی او خپل خپلوان یې په لوړو څوکیو ګومارلي دي.
د افغانستان انټرنشنل ـ پښتو ته رسېدلو معلوماتو پر بنسټ د طالبانو د کورنیو چارو وزیر سراج الدین حقاني خپل ورور حافظ عزیز حقاني په کورنیو چارو وزارت کې خپل خاص سکرتر په توګه مقرر کړی، بل ورور یې انس حقاني له افغان شخصیتونو سره د تماس په کمېسیون کې غړیتوب لري، تره یې خلیل الرحمن حقاني د طالبانو د کډوالو او بېرته راستنېدونکو چارو وزیر، ماما یې مالي خان د ملي دفاع وزارت مرستیال په توګه کار کوي.
امیر خان متفي
د طالبانو د بهرنیو چارو وزیر امیر خان متقي خپل ورور محمد نبي متقي په بهرنیو چارو وزارت کې د ځانکړي سکرتر په توګه ګومارلی دی، بل ورور یې احمد الله متقي د هرات د اطلاعاتو او کلتور ریاست رییس په توکه کار کوي، بل ورور یې امان الله افغان د طالبانو په فرهنګي کمېسیون کې غړیتوب لري، عبدالله متقي چې د کابل په شش درک کې د ریاض العلوم مدرسې مسوولیت په غاړه لري؛ خو افغانستان انټرنشنل ـ پښتو داسې انځورونه ترلاسه کړي دي، چې عبدالله متقي په رسمي ناستو کې د مشرانو میلمنو په لومړی قطار کې ناست وي.
شهاب الدین دلاور
د طالبانو د کانونو او پټرولیم وزیر د خپلې کورنۍ څو تنه په دولتي دندو ګومارلي دي.
د شیخ شهاب الدین دلاور زوي مغفور الله شهاب په ازبکستان کې د طالبانو سفیر ټاکل شوی، بل زوي یې روح الله شهاب د طالبانو د ریاست الوزرا اقتصادي معاونیت کې رییس دی، وراره یې مهدي الله احساس په بهرنیو چارو وزارت کې د یو ریاست معاون او زوم یې شمش الدین احمدي په کابل ښاروالۍ کې د دويمې ناحیې د رییس په توګه کار کوي.
د طالبانو د کانونو او پټرولیم وزیر شهاب الدین دلاور زوي مغفور الله شهاب په ازبکستان کې د طالبانو د سفیر په توګه له ټاکل کېدو سره د طالبانو ترمنځ په ټولنیزو رسنیو کې تاوده بحثونه پیل شوي دي.
د طالبانو یو غړی عبدالحق عمر پر خپلې اېکس پاڼه ملا هبت الله مخاطب کړی دی او ورته یې لیکلي، چې ستا فرمانونه مشران تر پښو لاندې کوي، کشران یې په سر سترګو مني.
د ټولنیزو رسنیو دغه طالب فعال لیکي: "ودې ویل دویم واده مه کوي؛ خو ډېرو غټانو درېیم وکړ، ودې ویل څوک د فرابت او انډیوالیزم پر بنیاد په دنده مه ګوماری خو چا سر نه کړ خلاص، ودې ویل د ولس پر مخ دروازې خلاصې کړئ خو دوی تر هغه لا ښې پسې بندې کړې."
دی د طالب مشرانو په اړه وايي، چې اکثریت لګیا دي پیسې جمع کوي او ماڼۍ جوړوي، جایدادونه ډېروي او له خلکو څخه د شرینۍ او تحفې په نوم رشوتونه اخلي.
یو شمېر طالب پلویان په ټولنیزو رسنیو لیکي، چې د ټولو وزیرانو ، معینانو، ریسانو، والیانو او قوماندانانو همدا حال دی.
د موندونو پر بنسټ د طالبانو د کورنیو چارو وزارت مرستیال محمد نبي عمري چې د خوست اوسېدونکی دی، خپل ورور یې حافظ راشید د خوست امنیه قوماندان په توګه ټاکلی دی.
د افغانستان انټرنشنل ـ پښتو د راپورونو پر اساس د خوست په امنیه قوماندانۍ کې زیاتره د کورنۍ غړي په بېلابېلو ځایونو کې ګومارلي دي.
د تر لاسه شویو معلوماتو پر بنسټ؛ د د طالبانو د اوبو او برېښنا وزیر عبدالطیف منصور زوي عارف الله منصور د افغانستان د سرې میاشتې کې د رییس په توګه کار کوی.
دا مقررۍ په داسې حال کې ترسره کیږی، چې ملا هبت الله اخواندزاده په یوه فرمان کې د طالبانو څخه غوښتي وو، چې تر خپل واک لاندې ادارو کې خپلوان او انډيوالان د اړیکو په بنسټ ونه ګوماري.
د ملا هبت الله له دغه فرمان څخه وروسته یو شمېر طالب وزیرانو په خپلو منځونو کې داسې پرېکړې ته ورسېدل چې دوی به د یو بل د کورنۍ غړي په خپلو وزارتونو کې ګوماري.
د طالبانو د غړو شکایتونه دا دي، چې د دوی مشرانو د خپلوۍ او ملګرتیا په بنسټ ګومارنې کړي دي.
د ملا هبت الله د فرمانونو او حکمونو د تعقیب او نظارت ریاست څه موده وړاندې د طالبانو ټولو ملکي او نظامي ادارو ته لارښونه کړې وه، چې د دې ډلې د مشر له فرمان څخه اطاعت وکړي، چې وايي؛ د خپلوي او انډيوالۍ پر بنسټ دې په ادارو کې څوک نه ګوماري.
د دې مکتوب له مخې، چې افغانستان انټرنشنل ته هم رسېدلی و، د خپلوالۍ له مخې د اشخاصو ګومارل د "الله د ناراضتۍ او عذاب سبب کیږي".