په هرات کې د طالبانو تر کنټرول لاندې د اوسپنې پټلۍ رياست مسوولين وايي، تر راتلونکو دوو اونیو پورې به د هرات-خواف اوسپنې پټلۍ له لارې د سوداګریزو توکو د لېږد، رالېږد بهیر پيل شي.
په هرات کې د طالبانو د اوسپنې پټلۍ مشر محمد نسيم محمدي د یوې غونډې پر مهال رسنیو ته ويلي، چې د راتلونکې کب مياشتې له لومړۍ نېټې څخه به له روزنک سټېشنه د هرات-خواف بندر له لارې د سوداګریزو توکو لېږد رالېږد پيل شي.
د هغه په وینا، د راتلونکي لمریز کال په لړ کې به د ایران-افغانستان ترمنځ د اوسپنې پټلۍ له لارې نږدې ۵۰۰ زره ټنه سوداګریز توکي ولېږدول شي.
نوموړی زياتوي، چې سوداګر کولای شي د هرات-خواف بندر له لارې په مالياتي تخفيف سره له افغانستانه خپل سوداګریز توکي چابهار بندر، بندر عباس او د ترکيې سرحد ته صادر او وارد کړي.
ځايي مسوولین وایي، په راتلونکي پسرلي کې به د ایران او افغانستان ترمنځ پر دغې لارې د مسافرو تګ راتګ هم پيل شي.
د دغه ریاست په وینا، د روزنک اوسپنې پټلۍ له سټيشنه به ايرانی شرکت په لومړي کال کې ۱۰۰ زره ټنه سوداګریز توکي او ۱۰۰ زره مسافرين ولېږدوي.
دغه سرتېری شفیق د لعل جان زوی د پکتیا د پټان ولسوالۍ د څپرې کلي اوسیدونکی و. د شفیق جسد د سې شنبې په ورځ د څمکنيو ولسوالۍ اړوند د سلطانګۍ راغه کلي کې موندل شوی دی.
د شفیق له جسد څخه څرګندیږي چې لومړۍ شکنجه شوی او بیا وژل شوی دی. سرچینه وایي نوموړي له چاسره شخصي دښمني نه لرله.
د سرچینې له قوله، طالبانو څو میاشتې مخکې د شفیق په ورور چې د تېر حکومت سرتېری و هم حمله کړې وه. د شفیق پلار هم د تېر حکومت نظامي و، چې په تېر نظام کې شهید شو.
یوناما په کراتو ویلي، طالبانو په بېلابېلو ولایتونو کې د تېر حکومت مامورین او سرتېري نیولي، شکنجه کړي او وژلي دي.