جان اڅکزی: د ټاکنو د ګډوډولو لپاره د ترهګرو هڅې شنډې شوې

د پاکستان په عمومي ټاکنو کې اصلي سیالي د یوه سېکولر ګوند او د کرېکټ د پخواني ستوري تر منځ ده، چې غواړي د دغه ۲۴۱ مېلیوني هېواد مشري په غاړه واخلي.
نواز شریف په دې لټه کې دی، چې د څلورم ځل لپاره د هېواد تر ټولو لوړ اجرایوي مقام ته ځان ورسوي.
بلاول بوټو زرداري چې کورنۍ یې دوه ځله د پاکستان لومړۍ وزیرۍ ته رسېدلې، لا هم غواړي چې نوی ریکارډ جوړ کړي او عمران خان چې د زندان د تورو تمبو تر شا دی د ځان پر وړاندې خنډ نه ګڼي.د پاکستان د نفوس دوه پر درېیمه برخه ځوانان دي، چې عمرونه یې له ۳۰ کلونو کم دي او د سېکولر ګوند ته د دوی رایې د حساب وړ دي.
بلاول بوټو له ۷۴ کلن نواز شریف څخه درې برابره کم عمر لري او له ۷۱ کلن عمران خان سره یې هم د عمر توپیر زیات دی، غواړي د خلکو لپاره د پاکستان نوی انځور وړاندې کړي.
په همدې حال کې یو بل لوبغاړی چې ښايي تر ټولو اغېزمن رول ولري د دغه اټومي هېواد پوځ دی.

د پاکستان په تاریخ کې اصلي ګټونکی تل هغه څوک و، چې له پوځ سره یې همغږي درلوده.

دا ځل داسې ښکاري، چې د پوځ لاس د پاکستان د تر ټولو تجربه کاره سیاستوال نواز شریف پر سر دی؛ خو له دغو درېیو څېرو څخه چې هر یو یې ټاکنې وګټي، باید له یو لړزېدلي اقتصاد او بې ساري انفلاسیون سره مخامخ شي.
د پاکستان ۳۵۰ ملیارده ډالره اقتصاد په وروستیو کلونو کې ډېر بدلون موندلی او د ځوانانو لپاره د کار فرصتونه خورا محدود شوي دي.

دغه ګوند په خپله ایکس پاڼه لیکلي چې د ټیلیفوني خدمتونو بندول هم د «د وګړو له حقونو سرغړونه او په لوی لاس فشار راوړل پر ډیموکراسۍ ملنډې وهل دي.»

دغه ګوند له خپلو پلویانو وغوښتل چې د خپلو شخصي اکاونټونو د وای فای پاسورډ لرې کړي او بیرته یې روښانه کړي چې هرڅوک «په دې مهمه ورځ انټرنیټ ته لاسرسی ومومي.»

يو شمېر نورو پاکستاني سياستوالو هم د پاکستان د ملي ټاکنو په ورځ د انټرنېټ او ټيلېفوني خدمتونو پر ګډوډولو نيوکه کړې ده.

سرچینې وايي، دغو مخامخ ډزو پنځه دقیقې دوام کړی.

دا په داسې حال کې ده چې په پاکستان کې نن پنجشنبه تر دې پیښې یو ساعت وړاندې په اتو بجو (د سلواغې ۱۹مه) د ټاکنو بهیر پیل شو.

د بلوچستان په کچ سیمه کې هم د ټاکنو مرکزونو ته نږدې د چادونو راپورونه ورکړل شوي.

ويل کیږي په تربت او بولیډه سیمو کې د ټاکنو مرکزونو ته څېرمه چاودنې رامنځته شوې چې د مرګژوبلې په اړه یې لا کره شمېرې نه دي معلومې.

تر دې یو ساعت وړاندې د خیبرپښتونخوا په ټانګ سیمه کې پر پاکستاني پولیسو هم برید شوی چې دوو پولیسو ته یې مرګژوبله اړولې ده.

د پاکستان په ټولو ښارونو کې ټرافیک نه شته او خال، خال کسان پر لارو سړکونو لیدل کېږي او ګڼې هټۍ او مارکیټونه هم تړل شوي دي.
د رای مرکزونو ته پرون ناوخته د رای ورکولو ټول توکي رسول شوي او نن پنځه بجې ټاکنې پای ته رسېږي.

د پاکستان د ټاکنو کمیسیون وايي، که د تاوتریخوالي پېښې د ټاکنو بهیر ټکنی کوي او یا د رایو په مرکزونو کې خلک د رای ورکولو لپاره په کتارونو کې په تمه پاتې کېږي کېدای شي دغه بهیر د څو نورو ساعتونو لپاره وغځوي.
د پاکستان د ټاکنو کمیسیون وايي، چې له پنځو بجو وروسته رای شمېرنه پیلیږي او ښايي د جمعې په ورځ د دغو ترسره شویو ټاکنو پایلې په ډاګه شي.
پاکستان کې ټاکنیز کمپاین تېره ورځ پای ته ورسېد او نن په دغو ټاکنو کې د پاکستان له ۲۴۱ مېلیون وګړو څخه ۱۲۸ مېلیونه کسان خپلې رایې کاروي.
د دغو ټاکنو د امنیت د ټینګښت لپاره لسګونه زره پولیس، پوځي سرتېري او ملیشه ځواکونه ګومارل شوي دي.
په پاکستان کې دغه ټاکنې داسې مهال ترسره کېږي، چې د دغه هېواد پخوانی لومړی وزیر عمران خان د فساد په تورونو په زندان کې دی.

هغه له زندانه خپلو پلویانو ته ویلي، چې په ټاکنو کې دې رغنده ونډه واخلي او د ټاکنو د پایلو تر اعلانولو دې د رای ورکولو په مرکزونو کې پاتې شي.

پاکستاني رسنیو خبر ورکړی چې د ټاکنو له پیل سره سم په ټول پاکستان کې ټیلیفوني اړیکې پرې شوې دي او خلک نه شي کولی یو له بل سره اړیکې ټينګې کړي.
پاکستاني رسنیو په تېره د دغه هیواد د مخابراتو ادارې(پي ټي اې) له قوله ويلي چې د ټاکنو په ورځ به ټیلیفوني شبکې نه بندوي.

د پاکستان کورنیو چارو وزارت هم د یوې اعلامیې له لارې ویلي چې ټیلیفوني شبکې یې د خلکو د خوندیتوب لپاره په موقت ډول تړلې دي.
وړمه ورځ د ملګرو ملتونو د بشري حقونو عالي کمېشنرۍ پر ټاکنیزو کمپاینونو بریدونو ته په اشارې سره په پاکستان کې د پارلماني ټاکنو په درشل کې د سیاسي ګوندونو پر وړاندې د تاوتریخوالي او فشار په اړه اندېښنه څرګنده کړې وه او په پاکستان کې یې د جمهوري بهیر د ساتلو لپاره د بنسټیزو ازادیو د ساتلو پر اړتیا ټینګار کړی.

د پاکستان د بشري حقونو ادارې هم د پاکستان حکومت په دغه کار غبرګون ښودلی او ویلي یې دي چې حکومت غواړي په دې کار سره د ټاکنو بهیر له خنډ سره مخ کړي.
روانه اوونۍ د پاکستان د بلوچستان ایالت د اطلاعاتو سرپرست وزیر جان محمد اڅکزي له پاکستاني رسنیو سره د خبرو پر مهال ويلي چې ټيلیفوني شبکې او انټرنیټ به د ټاکنو په ورځ ځکه بندوي چې د ده په خبره وسله والې ډلې د بریدونو پر مهال له خواله رسنیو ګټه اخلي.
د پاکستان له بېلابېلو ښارونو یو شمېر پاکستاني اوسیدونکي او افغان کډوال وايي چې تر اوسه پورې یوازې ټیليفوني اړیکې پرې شوې دي او د وای فای انټرنیټ سهولتونه لا په خپل ځای دي.
تر دې وړاندې هم په پاکستان کې د ټاکنو غوندې ورته ورځو پر مهال په ټول دغه هیواد کې ټیليفوني شبکې تړل شوې او ويل شوي چې دا کار د احتمالي پیښو د مخنیوي لپاره شوی.