د روسیې د څیړنیزې کمېټې سیمه ییزې څانګې د جمعې په ورځ وویل، د روسیې یوې محکمې یوه ۲۳ کلنه ښځه وروسته له هغه بندي کړه، چې د یوې ویډیو د ثبتولو پر مهال یې د دویمې نړۍوالې جګړې اړوند د «ستالینګراد په یوې مجسمې» ملنډې وهلې.
دغه ښځه چې نوم یې نه دی خپور شوی، ښایي د پنځو کلونو بند په سزا محکومه شي، که چیرې لګیدلی تور پرې ثابت شي. پر هغې تور دی چې د معلوماتو د خپرولو پر مهال یې پوځي ویاړونو ته په ښکاره توګه سپکاوی کړې.
په هغې ویډیو کې، چې د ۲۰۲۳ کال په جولای میاشت کې خپره شوې، دغه مېرمن "د مادر لینډ کالز" مجسمې لاندې ولاړه ده، خاندي او په خپلې سینې لاس وهي. دغه مجسمه یوه مېرمنه د تورې سره ښيي چې ۸۵ متره اوږده ده او تور رنګ لري.
د څیړنیزې کمېټي په وینا، دغې بندي شوې مېرمنې «غیر اخلاقي او نا سپیځلی عمل ترسره کړی او د لویې وطنپالې جګړې پر مهال یې د شوروي خلکو د استقامت سمبول ته سپکاوی کړی.»
د لوی وطنپالې جګړې اصطلاح روسیه د دویمې نړۍوالې جګړې لپاره کاروي.