د شمالي وزيرستان په ميرانشاه کې د قومي اسمبلۍ پخوانى غړى محسن داوړ په ډزو ټپي شوى

سرچينې وایي، چې د محسن داوړ د ميرانشاه روغتون ته رسول شوى دى.

پاکستانۍ رسنۍ جیونیوز راپور ورکړی، چې د ښاغلي داوړ روغتیایي وضعیت ښه دی؛ خو ځینې سرچینې بیا د هغه روغتیایي حالت د اندېښنې وړ ګڼي.

له بلې خوا په دغو ډزو کې د محسن داوړ اته پلویان هم ژوبل شوي دي.

د عیني شاهدانو په خبره، د پېښې ټول ټپیان د میرانشاه روغتون ته لېږدول شوي دي.