د اوکراین پر خارکیف د روسیې د بې پیلوټه الوتکو برید د ماشومانو په ګډون اوه کسان وژلي دي

په دغه برید کې،‌درې نور کسان وژل شوي، چې یو یې د ایران ملاتړې ځواکمنې ډلې حزب الله غړی دی چې د حماس نږدې متحد بلل کیږي.

د یوې سرچینې په وینا، نښه شوی کس د حماس مرستیال صالح العروري ته نږدې و. العروري تېره میاشت د بیروت په یوې څنډه کې د اسراییل په یوه مشکوک برید کې ووژل شو.

د شنبې ورځې برید د حزب الله او اسراییل د پوځ ترمنځ د معمولي نښتو په پرتله چې ډېری یې سرحدي سیمو پورې محدودې وي، دا ځلې د لبنان په خاوره کې دننه ترسره شوی دی.

تر اوسه د برید په اړه د حماس ډلې یا اسراییلي پوځ څه نه دي ویلي.

حزب الله او اسراییل د اکتوبر له اوومې راهیسې، کله چې حماس ډلې په اسراییل برید وکړ او ۱۲۰۰ کسان یې ووژل او ۲۰۰ څخه ډېر نور یې په غزه کې یرغمل کړل، نږدې هره ورځ پر یو بل بریدونه کوي.

بنیامین نتانیاهو د رفح په ګڼ مېشته سیمه کې د پوځ د ځمکني برید جزییات او مهالوېش اعلان نه کړ، خو راپورونه ښيي چې د هغه څرګندونو د ښار په اوسېدونکو کې وېره خپره کړې ده.

د غزې تړانګې په ۲.۳ میلیونه وګړو کې له نیمایي زیات یې له مصر سره په پوله د غزې په سویلي برخه کې رفح ته له نورو سیمو څخه پناه وړې ده.

دا څرګنده نه ده چې که د اسراییل ځمکني بریدونه پیل شي د دې سیمې سلګونه زره اوسیدونکي به چیرته ځي.

په دې وروستیو اونیو کې مصر له رفح سره خپله پوله د اغزن تار په اېستلو او د لسګونو ټانکونو ځای پرځای کولو سره تړلې ده.

تر دې مخکې د امریکا ولسمشر جوبایډن پر رفح د اسراییل برید د یوې نوې جګړې پیل او هغه یې "له حده زیات" بللی و.

مرستندویه ډلو هم پر رفح باندې د اسراییل د برید په صورت کې د وینې د سیند جاري کېدلو خبرداری ورکړی دی.

تېره شپه د اسراییلل ومړي وزیر د دغو انتقادونو له پامه غورځولو سره ویلي دي، چې هغه ورځ لېرې نه ده چې پر حماس بریالي شي او د دغې وسله والې ډلې له منځه وړلو لپاره رفح ښار ته خپل ځواکونه واستوي.

د غزې د روغتیا وزارت د معلوماتو له مخې، په غزه کې د اسراییل د پوځي عملیاتو له پیل راهیسې، څه باندې ۲۸زره فلسطینیان وژل شوي چې دوه پر درېیمه برخه یې ښځې او ماشومان دي.

اسراییل په غزه کې د اکټوبر په اوومه د حماس له برید وروسته چې له امله یې ۱۲۰۰ کسان ووژل شول او شاو خوا ۲۵۰ تنه یرغمل شول، خپل پوځي عملیات پیل کړل.

په ټاکنو کې اصلي سیالي د پخواني لومړي وزیر نواز شریف د ګوند او د پخواني لومړي وزیر عمران خان د ملاتړو نوماندانو ترمنځ وه، دواړو ډلو په جلا جلا توګه په ټاکنو کې خپله بریا اعلان کړه.

دغه ټاکنې د ملي اسمبلۍ د ۲۶۵ څوکیو لپاره شوې او یو سیاسي ګوند د اکثریت د ترلاسه کولو لپاره باید ۱۳۳ څوکۍ وګټي.

متحده ایالاتو او اروپايي ټولنې دواړو د فعالینو د نیولو په ګډون په ټاکنو کې د مداخلې تورونه یاد کړي او ویلي یې دي، چې په ټاکنو کې د بې نظمۍ، لاسوهنې او درغلۍ ادعاوې باید په بشپړه توګه وڅیړل شي.
عمران خان په زندان کې دی او د هغه د تحریک انصاف ګوند په ټاکنو له ګډون څخه منع شوی دی.

د پاکستان په ټاکنو کې خپلواکو کاندیدانو، چې ډیری یې د عمران خان ملاتړي دي، د ۲۴۵ څوکیو څخه ۹۸ څوکۍ ګټلې دي. په داسې حال کې چې د نواز شریف د پاکستان مسلم لیګ نواز ګوند بیا ۶۹ څوکۍ ګټلې دي.

عمران خان په دې باور دی چې پوځ د ده د ګوند د له منځه وړلو د هڅو ترشا لاس لري، په داسې حال کې چې شنونکي بیا وايي چې نواز شریف د پوځ د جنرالانو ملاتړ لري.

د اروپايي ټولنې په اعلامیه کې یادونه شوې چې "په ټاکنو کې ټولو کاندیدانو ته د رقابت مساوي فرصت نه دی ورکړل شوی"، چې له امله یې "په ټاکنو کې د سیالۍ لپاره ځینې سیاسي لوبغاړي ناتوانه شوې." په همدې حال کې د خلکو پر غوڼډو، د بیاد پر ازادۍ او پر انټرنټ لګیدلي محدودیتونه په ټاکنو کې د مساوي رقابت د مخنیوي نور لاملونه بلل شوي دي.

د متحده ایالاتو د بهرنیو چارو وزارت ویلي، چې د ټاکنو په جریان کې د بیان او غونډو پر آزادۍ "غیر ضروري محدودیتونو" لګیدلي وو او د رسنیو پر کارمندانو بریدونه او ورسره تاوتریخوالی شوی.

ابوالفضل ظهروند له ایراني رسنیو سره خبرو کې زیاتوي، شمېرل شوې رایې ښيي چې «د مسلم لیګ ګوند په ښه وضعیت کې نه دی او دا کار د پاکستان د پوځ په سناریو کې د ګډوډۍ په معنا دی.»

دغه ايراني ډيپلوماټ په پاکستان کې پارلماني او صوبايي ټاکنو ته په اشارې ويلي، چې د تحریک انصاف ګوند د مشر په زنداني کېدو پوځ غوښتل هغه په ټاکنو کې څنډې ته کړي.

خو د د عمران خان ګوند او ازادو کاندیدانو یې ۹۳، د نواز شریف ډلې ۷۴ او پیپلز ګوند ۵۳ څوکۍ ګټلې دي.

ډېر باور دادی، چې د پاکستان د پوځ ملاتړ د مسلیم لیګ نواز ګوند له مشر نواز شریف سره دی.

د نواز شریف په مشرۍ مسلم لیګ نواز ډلې په ټاکنو کې د بریالیتوب ادعا کړې ده او هڅه کوي له پیپلز ګوند سره ګډ حکومت جوړ کړي.

همهاله د پاکستان پخواني لومړي وزير او د تحریک انصاف ګوند مشر عمران خان په هغه ویدیویي پیغام کې چې نوموړي له زندانه خپور کړی خپلو پلویانو ته مبارکي ورکړې او ویلي یې دي چې ټول دې په ګډه د دغه ستر بري خوشالي ولمانځي.

د تحریک انصاف ګوند سرپرست ګوهر علي خان وايي، د پنجشنبې ورځې ټاکنو کې یې ډېرې پارلماني څوکۍ ګټلې او د حکومت جوړولو هڅه به وکړي.

هغه ګواښ وکړ چې که د شنبې ورځې تر ماښام د ټاکنو پایلې اعلان نه شي، دوی به د یکشنبې په ورځ مظاهرې وکړي.

تحریک انصاف او ځینې نور ګوندونه په ټاکنو کې د درغلۍ ادعا هم کوي او نن هم دغه ګوند او جماعت اسلامي په کراچۍ کې د ټاکنو کمېسون مخ ته مظاهره کړې ده.

جنرال منير په خپل پيغام کې ويلي، چې په ټاکنو کې د خلکو "آزاد" ګډون ډيموکراسۍ ته د دوی د ژمنتيا ثبوت دی.

هغه زياته کړه، چې له ستونزو سره سره د ټاکنو ترسره کېدو لپاره د خوندي چاپېريال رامنځته کول د ستاينې وړ دي.

د پاکستان عمومي ټاکنې د پنجشنبې په ورځ (د سلواغې په ۱۹مه) ترسره شوې او ۱۲۸ میلیونه وګړو د خپلې خوښې نوماندانو ته رایې ورکړې.

د پوځ مشر په داسې حال د ګډوډۍ په هکله خبرداری ور کوي چې ډېرې څوکۍ د عمران خان پلوه کاندیدانو ګټلې دي، خو د نواز شریف ګوند هم ځان د دې ټاکنو بریالی بولي.

که څه هم د پاکستان د پوځ مشر د ټاکنو "بريالۍ" ترسره کېدل ستايلي دي، خو دغه ټاکنې د مخابراتو او انټرنېټ خدماتو له بندېدو څخه نيولې تر مرګونو بریدونو، درغليو او ناامنيو پورې له پراخو شکايتونو سره مل وې.

د پاکستان د انتخاباتو کمېسون له دوو ورځو زیاتې مودې وروسته د انتخاباتو د نهايي نتیجو په اعلانولو کې پاتې راغلی.

​