حشمت الله شهیدي د ۲۰۲۳کال د نړۍ غوره لوبډلمشرانو په نوملړ کې راغلی

د افغانستان کرېکټ بورډ د غوراوي کمېټې د هغو ۱۶ افغان لوبغاړو نومونه اعلان کړه، چې په درېيو شل اورېزو لوبو کې به د سريلانکاف خلاف ولوبيږي.

کرېکټ بورډ وايي په دې لوبډله کې: « ابراهيم ځدران، لوبډلمشر، رحمن الله ګربز، ويکټ ساتونکی، اسحاق رحيمي، حضرت الله ځاځی، ګلبدين نايب، محمدنبي، نجيب الله ځدران، عظمت الله عمرزی، کریم جنت، شرف الدین اشرف، فض الحق فاروقي، فريد احمد ملک، نوين الحق، نوراحمد، وفادار مومند او قيس احمد.» شامل دي.

دغه لوبې به د سريلانکا په کوربه‌توب د روانې فيبوري مياشتي په ۱۷ نېټه پيل شي.

دوهمه لوبه به د فيبوري په ۱۹ او درېیمه به په ۲۱ نټېه تر سره شي.

د افغانستان کرېکټ بورډ وايي، چې د شل اوریزو سیالیو لوبډلمشر راشدخان لا هم د ملا د عملیاتو له امله تر درملنې لاندې دی او دغه راز د مجیب الرحمن د لاس د اوښتو او د سلیم ساپی د ورانه د شاتنۍ برخې د عضلې د شلېدو درملنه هم روانه ده.

تر دې وړاندې افغانستان پر سريلانکا ټيسټ لوبه او د درېيو ۵۰ اوريزو سياليو لوبلړۍ هم بايللې وه.

د افغانستان او سرېلانکا تر منځ نن یکشنبه د لوبې پچه سرېلانکا وګټله او افغانستان ته يې د توپ اچونې بلنه ورکړه.

سرېلانکا په ۵۰ اورنو کې د ۶ لوبغاړو په سوځېدو افغانستان ته ۳۰۹ منډې هدف وټاکه.

سرېلانکايي لوبغاړي اسالانکا تر ټولو ډېرې (۹۷) منډې جوړې کړې.

په افغان لوبډله کې بيا عظمت الله عمرزي درې سرېلانکايي توپ وهونکي وسوځول.

د لوبې په دویمه برخه کې افغان لوبډلې په يو بال کم ۳۴ اوره کې د ټولو لوبغاړو په سوځېدو ۱۵۳ منډې جوړې کړې او ټاکلي هدف ته یې ځان ونه شو رسولی.

د افغانستان او سریلانکا ترمنځ د نړۍوالو يوه ورځنيو درېيو سيالیو وروستۍ لوبه به د فېبرورۍ په ۱۴مه ترسره شي.

د افغانستان د کرېکټ ملي لوبډلې او د سریلانکا کرېکټ لوبډلو تر منځ د درېیو یو ورځینو نړېوالو سیالیو دویمه لوبه نن یک شنبه د (سلواغي ۲۲مه) د رنګیري دامبولا نړېوال لوبغالي کې تر سره کیږي.

افغانستان د نننۍ لوبې لپاره په لوبډله کې فرید احمد له لوبډلې کینولی او پر ځای یې ورو توپ اچونکی قیس احمد په یوولس کسیز نوملړ کې له ځان سره اخیستی.

تېره لوبه دوه ورځې وړاندې سریلانکا له افغانستان څخه د ۴۲ منډو په توپیر وګټله .

په تېره لوبه کې د افغانستان توپ اچونکي ونه توانېدل چې د سریلانکا پیلیز توپ وهونکی پتم نیسانکا په یوازې سر د ۲۱۰ منډو جوړېدو څخه را وګرځوي.

خو د افغانستان له لوري محمد نبي او عظمت الله عمرزي هم د توپ وهني پر مهال ښه ملګرتیا ترسره کړه او دواړو سلیزې جوړې کړې.

د کرېکټ څارونکي د افغانستان او سریلانکا تر منځ په لومړۍ لوبه کې د محمد نبي او عظمت الله عمرزي تر منځ اوږدې ملګرتیا او زړه راښکوونکې توپ وهني ته په کتو تمه لري چې په نننۍ لوبه کې ښايي افغانستان برلاسۍ و اوسي.

په ورته وخت کې د افغانستان کرېکټ بورډ د همدې يو ورځينو لوبو لپاره د حشمت الله شهيدي په لوبډلمشرۍ د افغان لوبغاړو ۱۵ کسېزه نوملړ هم اعلان کړ، چې د دې نومونو ترڅنګ ۴ احتياطي لوبغاړي پکې شته.

د افغانستان کرېکټ بورډ غوراوي کمېټې دغه لوبغاړي ټاکلي دي.

«حشمت الله شهیدي "لوبډلمشر"، رحمن الله ګربز "ویکټ ساتونکی"، ابراهیم ځدراڼ، رحمت شاه، عظمت الله عمرزی، اکرام علي خېل، محمد نبي، ګلبدین نایب، نور احمد، مجیب الرحمن، فضل حق فاروقي، نوید ځدراڼ، فرید ملک، ریاض حسن او قیس احمد شامل دي.»

کرېکټ بورډ په احتياطي لوبغاړو کې « شرف الدین اشرف، شاهد کمال، عبدالرحمن او بلال سمیع» ټاکلي دي.

د افغانستان کرېکټ بورډ اجراييوي مشر نصيب خان ۲۰۲۴ د افغان کرېکټ لوبډلې لپاره بوخت کال بللی دی.

هغه زياتوي: « زموږ موخه ملي لوبډلې ته د ډېرو سیالیو تنظیمول دي، سږ کال د ټېسټ لوبو ترڅنګ د نړۍوالو یو ورځنیو او شل اوریزو سیالیو له اړخه هم بوخت کال لرو.»

د افغانستان او سريلانکا ترمنځ درې يو ورځینۍ سيالي د رواني فېبرورۍ مياشتي پر ۹ نېټه د جمعې ورځ پيليږي.

د سیاليو دویمه لوبه به د فېبروري په ۱۱ او درېیمه لوبه په ۱۳ مه نېټه تر سره شي.

د افغانستان کرېکټ بورډ د غوراوي کمېټې د یک شنبې په ماښام د (سلواغې ۱۵مه) د سریلانکا په وړاندې د درېیو نړیوالو یو ورځنیو سیالیو لپاره پنځلس کسیز نوملړ اعلان کړ، په دغه نوملړ کې څلور احتیاطي لوبغاړي هم اخیستل شوي.

د افغانستان کرېکټ بورډ ویلي چې، له سریلانکا سره د پنځوس اوریزو سیالیو لومړۍ لوبه د روانې فبرورۍ میاشتې په نهمه نېټه د کېنډي په پالیکلي کرېکټ لوبغالي کې تر سره شي.

په دغه پنځلس کسیز نوملړ کې حشمت الله شهیدي (لوبډلمشر)، ابراهیم ځدراڼ او رحمان الله ګربز (ویکټ ساتونکی)، رحمت شاه، عظمت الله عمرزی، اکرام عليخېل، محمد نبي، ګلبدین نایب، نوراحمد، مجیب الرحمن، فضل حق فاروقي، نوید ځدراڼ، فرید ملک، ریاض حسن او قیس احمد شامل دي. او د دوی تر څنګشرف الدین اشرف، شاهد کمال، عبدالرحمن او بلال سمیع هم د یاد نوملړ په احتیاطي لوبغاړو کې ځای پر ځای شوي دي.

د افغانستان کرېکټ بورډ اجراییوي مشر نصیب خان د یاد نوملړ په اړه وايي: «زموږ موخه ملي لوبډلو ته د ډېرو سیالیو تنظیمول دي، سږ کال د ټېسټ لوبو ترڅنګ د نړیوالو یو ورځنیو او شل اوریزو سیالیو له اړخه هم بوخت کال لرو، د کرېکټ اسیایي شورا په ناسته کې مو هم د شورا له غړو هېوادونو سره په نورو موضوع ګانو سربېره د لا ډېرو دوه اړخیزو سیالیو پر برابرولو خبرې اترې وکړې.»

یادې درې نړیوالې یو ورځنۍ لوبې به د روانې فبروري میاشتې په نهمه،۱۱مه او ۱۳مه نېټه ترسره شي چې ورپسې به د همدې میاشتې په ۱۷مه، ۱۹ او ۲۱مه نېټه هم درې شل اوریزې نړیوالې لوبې ترسره شي.