د سریلانکا پر وړاندې د افغانستان د کرېکټ ملي لوبډلې د درېیو شل اوریزه لوبو لړۍ سبا د سلواغې ۲۸مه د دغه هېواد په کوربهتوب د کابل په وخت ماښام شپږ بجې په رنګېري ډمبولا لوبغالي کې پیلېږي.
د دغو شل اوریزو لوبو لپاره د کرېکټ بورډ لهخوا په اعلان شوي نوملړ کې د ابراهیم ځدراڼ، رحمن الله ګربز، اسحاق رحیمي، حضرت الله ځاځي، ګلبدین نایب، محمدنبي، نجیب الله ځدراڼ، عظمت الله عمرزي، کریم جنت، شرف الدین اشرف، فضل الحق فاروقي فرید احمد ملک، نوین الحق، نوراحمد لکڼوال، وفادار مومند او د قیس احمد نومونه شامل دي.
راشدخان د ملا د عملیات له امله او مجیب ځدراڼ د سریلانکا پر وړاندې د یو ورځنیو لوبو لپاره د تمرین پر مهال د ژوبلېدو له امله په دغو لوبو کې نه لوبېږي.
افغانستان تر دې وړاندې د سریلانکا پر وړاندې پر له پسې یوه ټېسټ لوبه او درې یو ورځنۍ لوبې بایللې دي.
