افغان کرېکټ ملي لوبډلې په درېیمه نړۍواله شل اوريزه لوبه کې د درېیو وېکټو په توپير سره د سرېلانکا ملي لوبډلې ته ماته ورکړه او د نړۍوال شل اوریزو لوبو دې لړۍ ته یې د پای ټکې کېښود.
د لوبې په سر کې افغان لوبډلې پچه وګټله او د توپ وهنې پرېکړه یې وکړه.
افغان لوبډلې د ټولو اورونو په لوبولو او د ۵ لوبغاړو په زیان سره د ۲۰۹ منډو هدف وټاکه.
سرېلانکا د ۶ وېکټو په زیان او ټولو اورونو په لوبولو سره ۲۰۶ منډې جوړې او لوبه یې وبایلله.
رحمان الله ګربز د لوبې غوره او وینندو هسرنگا د دې سیریز غوره لوبغاړي ونومول شول.
دغه لوبه د سرېلانکا په رنګېريدامبالا نړۍوال لوبغالي کې ترسره شوه.
افغان لوبډلې تر دې وړاندې د روانې لړۍ په ترڅ کې سرېلانکا ته درې یو ورځنۍ لوبې بایللې وې.
افغان لوبډلې د دې سیریز لومړۍ او دویمه لوبه سرېلانکا ته بایللې وه.