د طالبانو د کورنیو چارو وزیر سراج الدین حقاني د افغانستان په هکله د ملګرو ملتونو په مشرۍ د دوحې غونډې ته غبرګون کې وايي: «دنیاوالو موږ ته د خپل ځان په نظر کتل.» ملګرو ملتونو طالبان هم دې غونډې ته ور بللي وو، چې تېره یکشنبه او دوشنبه تر سره شوه، خو دوی پکې له ګډون ډډه وکړه.
د افغانستان لپاره د ځانګړي استازي له ټاکل کېدو او د افغان مداني فعالانو ګډون هغه څه بلل کېږي چې له امله یې طالبانو په دې غونډه کې ګډون ونه کړ.
سراج الدین حقاني نن د خوست په مرکزي دارالایتام کې فراغت غونډې ته وینا کې د دوحې غونډې ته په اشاره وویل: «په دوحه کې چې کومه غونډه وه، دلته چې د اسلامي امارت مشرتابه کومه پرېکړه دوی ته وړاندې کړې وه، دنیاوالو موږ ته د خپل ځان په نظر کتل چې را ځئ پر دغو شرایطو به راځئ. د امارت اسلامي مشرتابه وویل چې لکه تر اوسه یې دماغ خپل ځای ته نه دي راغلي.»
ټاکلې وه چې د ملګرو ملتونو په مشرۍ د دوحې غونډه کې د افغانستان لپاره ځانګړی استازی هم وټکل شي، خو داسې ونه شول.
ویل کېږي ایران، چین او روسیې له دغه استازي سره پر مخالف سربېره نورو غړو ته دا پیغام هم ور کړ چې اوسنیو شرایطو کې به د داسې کس ګومارل له طالبانو سره تعامل لا سخت کړي.
له بلې خوا د طالبانو د بهرنیو چارو وزیر سره نن د ملګرو ملتونو د یوناما مشرې کتلي دي.
طالبانو د روزا اوتنبایوا له قوله وايي، د ملګرو ملتونو سرمنشي ورته ویلي، د افغانستان لپاره داسې استازی نه ټاکي چې له طالبانو سره یې تعامل پېچلی کړي.
د هغه په وينا؛ د طالبانو د ماليې وزارت د تېر حکومت په پرتله شفاف او حساب ورکوونکی نه دی.
ښاغلی زاخیلوال چې د تېر حکومت له ړنګیدو وروسته له کابله نه دی وتلی، وایي: « موږ پارلمان ته ځواب ورکوونکی وو، [طالبان] نه دي. موږ نړۍ ته ځواب ورکوونکي وو، دوی نه دي. موږ نورو ادارو ته حساب ورکوونکي وو، دوی نه دي. نو، دلته پریکړه نیول اسانه دي. د مثال په توګه، یو فرد پریکړه کوي او تطبیق کوي یې، چې موثریت لري خو شفافیت نه لري. زموږ بودیجه ډېره شفافه وه.»
د مالیې پخواني وزیر وویل، چې د طالبانو په حکومت کې فساد شته. هغه د افغانستان انټرنشنل خبریال تاج الدین سروش د پوښتنې په ځواب کې چې د طالبانو په حکومت کې فساد ډېر شوې یا کم شوی، وویل : «ډېر شوی دی.»
هغه وويل، چې د اوونۍ څلوېښت ميليونه ډالر طالبانو ته نه ورکول کېږي، بلکې دا پيسې د ملګرو ملتونو سازمان ته ورکول کېږي او د دغه سازمان له خوښې سره سم مصرف کیږي.
ښاغلي زاخېلوال د دې مرکې په یوه برخه کې د طالبانو پر وړاندې د وسله والو ډلو جګړه او مبارزه «استخباراتي جګړه» بللې او وې ویل چې د یوه افغان په توګه باید د دې جګړې خلاف ووسوو.
ښاغلي زاخېلوال زیاته کړه: «هره جګړه چې موږ تر اوسه په افغانستان کې لیدلې، په پای کې یې رېښې د تمویل هغه ځای ته رسیږي چې د افغانستان دننه نه دي. یو ګاونډ هېواد یا هم یو لېرې هېواد یې باید تمویل کړي. دا هېوادونه ولې او د کومې لیوالتیا له مخکې په افغانستان کې جګړې ته لمن وهي؟ له کومې جګړې مو ګټه پورته کړې چې راتلونکې جګړې ته هیله من اوسوو؟»
په پاکستان کې د افغانستان پخواني سفیر وویل: «د یوه افغان په توګه باید د استخباراتي جګړو خلاف ووسوو.»
ښاغلي زاخېلوال د طالبانو او پاکستان د اړیکو په اړه وویل، چې واک ته د رسېدو لپاره پاکستان طالبانو سره مرسته وکړه؛ خو بیا هم له هغو ستونزو سره مخ شو، چې له تېرو حکومتونو سره یې درلودې. د مالیې پخواني وزیر زیاته کړه، چې د د پاکستان موخه د افغانستان بې ثباته کول وو او طالبانو د خپلې جګړې لپاره دلایل لرل؛ خو دغه ډله د واک په ترلاسه کولو سره د افغانستان د حکومت او ثبات مسووله شوه.
دغه پخواني حکومتي چارواکي د طالبانو او امریکا د اړیکو په اړه وویل: «امریکا طالبان د داعش په مقابل کې یو اغیزمن ځواک ګڼي. زه فکر کوم چې کمک او همکاري هم کوي. زه فکر کوم چې طالبان او متحده ایالات د داعش په اړه یو ګډ تفاهم او ښايي ګډه همغږي لري او د القاعدې په اړه هم امریکا څخه څه نه ویل کیږي.»
د حامد کرزي او اشرف غني د کابینې دغه غړي د طالبانو حکومت ملي نه بولي او وايي، چې په افغانستان کې حکومت باید ولسي مشروعیت ولري.
زاخېلوال وویل: «موږ نه شو کولای چې طالبانو ته ملي نظام ووایو؛ هغوی پوځي ځواک لري، خو ولسي استحکام نه لري.» هغه زیاته کړه: "موږ د یوې داسې سیاسي پروسې پلوي یوو چې له دې لارې مشروعیت ترلاسه کړي او په هغه کې د ټولو قومونو خلک، ځوانان، زاړه، روڼ اندي او ښځې پکې ګډون وکړي."
ښاغلي زاخېلوال زیاته کړه، پرون توپ د اشرف غني په میدان کې و، چې تېروتنه یې وکړه او فرصتونه یې ضایع کړل؛ خو نن توپ د طالبانو په میدان کې دی، چې باید تېر نه وځي او د خبرو او تفاهم فرصتونه ضایع نه کړي.