پاکستانۍ رسنۍ اکسپرېس ټربیون راپور ورکړی، چې د دغه هېواد لنډمهاله لومړي وزیر انوارالحق کاکړ خپل رسمي کارونه ځنډولي او ورسره یې منظورۍ ته په تمه پاتې ټولې مسودې یې د راتلونکې حکومت تر لوړې وځنډولې.
ښاغلي کاکړ ویلي، چې ټولې اوسنۍ پاتې پرېکړې به راتلونکې حکومت ته وځنډول شي.
هغه وایي:« موږ یوازې د نوي حکومت د راتلو په تمه یو او سربیره پر دې، موږ به نوې ادارې ته د خپلو فعالیتونو او پروژو په اړه هر اړخیز معلومات وړاندې کړو.»انوارالحق کاکړ د پاکستان د پخواني وزیر شهباز شریف له استعفاء وروسته د ګوندونو له سلامشورو وروسته د دغه هېواد لنډمهاله لومړی وزیر وټاکل شو، چې دغه دوره اوس د بشپړېدو په درشل کې ده.د انوارالحق کاکړ د دورې تر ټولو لویه پرېکړه له دغه هېواده د بې اسناده کډوالو اېستل وو، چې ډېری برخه یې افغان کډوال جوړوي.هغه تر دې وړاندې ویلي و، چې د کډوالو په اړه یې پرېکړه سمه وه او راتلونکی حکومت هم باید دغه تګلاره پلې کړي.
نن سې شنبه د (کب اتمه) په خیبر پښتونخوا کې ازاد خبریال لال وزیر وايي چې د مجید په نوم دغه قومي مشر تېره شپه خپل کور ته نږدې په جومات کې نامعلومو کسانو په ډزو وژلی.
هغه له افغانستان انټرنشنل پښتو څانګې سره د خبرو پر مهال وويل چې له دغې پیښې وروسته د یادې سیمې د خلکو غوسه راپارېدلې او ټول کلیوال د وسلوالو په لټون پسې وتلي دي.
که څه هم چې په سیمه کې ځايي امنیتي ځواکونه د امنیت د ساتلو هڅې کوي خو د خیبرپښتونخوا ولسونه وايي چې حکومت یې د امنیت په راستو کې پاتې راغلی او د داسې پېښو له تکرار سره٬ سره د نورو پېښو مخه نه ده نیول شوې.
تر اوسه پورې د دغه برید مسوولیت چا نه دی منلی.
د خیبرپښتونخوا له وزیرستانه نیولې بیا تر ډېره اسمعیل خان پورې امنیتي وضعیت ورځ تر بلې ترینګلی کیږي، چې په کې په دې وروستیو کې په قومي مشرانو پسې بمي چاودنې او د هدفي وژنو پیښې ډیرې شوې دي.