د غزې روغتیا وزارت وایي، چې په غزه کې د حماس او اسراییل ترمنځ د جګړې له پیل راهیسې تراوسه پورې د وژل شویو کسانو شمېر تر ۳۰زرو لوړ شو. له بل پلوه مرستندویه ادارو هم د غزې په شمال کې د قحطۍ له امله د خطر زنګ وواهه.
د غزې ښار په الشفا روغتون کې ماشومان د خوارځواکۍ او پراخې قحطۍ له امله مړه شوي دي.
د روغتیا وزارت وایي، د دې مړینې د مخنیوي لپاره یې د نړۍوالو سازمانونو څخه د "سمدستي اقدام" غوښتنه کړې.
د فلسطین د روغتیا وزارت د پنجشنبې په ورځ وویل، چې په جګړه کې د وژل شویو فلسطینیانو وروستۍ شمېره وروسته له هغې لوړه شوه چې د غزې په تړانګه کې د شپې په اوږدو کې لږ تر لږه ۷۹ تنه ووژل شول.
د اسراییل او حماس ترمنځ جګړه کې د مصر، قطر او متحده ایالاتو منځګړیتوب د شپږ اونیو د وقفې په لټه کې دي.
دوی هیله مند دي، چې د روژې له پیلېدو سره سم به اوربند پیل شي.
د راپورونو له مخې، په دې وړاندیز کې د اسراییل لهخوا د څو سوو فلسطینیانو په بدل کې په غزه کې د یو شمېر اسراییلي برمته شویو خوشې کول هم شامل دي.
