د اوکرایني رسنیو د راپور له مخې، د دغه هیواد د هوایی قواوو قوماندان مایکولا اولیسچوک د شبنې په ورځ ویلي، چې په محلي وخت شاوخوا ۰۷:۰۰ بجې د اوکراین هوايي ځواکونو د ځمکې څخه هوا ته د توغول شوي یو توغندي پر مټ د روسیې یو سو - ۳۴ الوتکه رانسکوره کړې ده.
ښاغلي اولیسچوک ادعا کړې، چې اوکراینې ځواکونو په تیرو دوو اونیو کې د روسیې ۱۵ الوتکې رانسکورې کړي دي. د هغه په وینا په دغو الوتکو کې یوه A-50U، دوه سو – ۳۵، او لس سو -۳۴ الوتکې شاملې دي.
نوموړي ويلي، سره له دې چې روسیه دغه الوتکې په خپله تولیدوي، خو د رانسکورو شوو الوتکو شمیر د تولید شوو الوتکو څخه لوړ دی او دا به د روسیې هوايي ځواکونو لپاره سرخوږی جوړ کړي.