د طالبانو ستره محکمه: په زابل کې مو درې تنه په عام محضر کې په سزا ورسول

د طالبانو د اوبو او انرژۍ وزارت د یک شنبې په ورځ د (وري ۲۶مه) په اېکس پاڼه لیکلي، چې د وري له ۲۷مې نېټې څخه تر ۲۹مې نېټې پورې د هېواد د سیندیزو حوزو په ځینو ځایونو کې د اوبو کچې د لوړېدو او سېلابونو راوتلو احتمال ډير دی.

یاد وزارت وايي، د هوا پېژندنې ادارې د او نړېوالې هوا پېژندنې ادارو د وړاندوینو له مخې د افغانستان په ځینو برخو کې د چټکو بارانونو او وارې ورېدو له امله د سېلابونو د راوتلو او ناڅاپي اورښتونو او سېلابونو راوتلو ډیر اټکل د هریرود، هلمند شمال، کابل او پنج امو په سیندیزو حوزو کې شوی دی.

د طالبانو د اوبو او انرژۍ وزارت خبرداری ورکوي او وايي، چې د «کوشک و کشان، هرات، فراه، خاشرود، هلمند، ارغنداب، ترینکوټ، ترنک، غزني، پکتیا، پکتیکا، خوست، لوګر، کابل، مدان وردګ، غوربند، پنجشیر، لغمان، کنړ، نورستان، فاریاب، جوزجان، بلخ، سمنګان، بغلان، تخار او بدخشان سیندونو کې د سېلابونو د راوتلو احتمال ډیر دي.»

دغه وزارت د یادو سیندونو په څنډو کې استوګنو کسانو ته خبرداری ورکړی چې د ځان او خپلو ماشومانو د ساتنې لپاره تر راتلونکو درېیو ورځو د سیندونو له غاړو لیرې و اوسي.

ها خوا د کندهار او اروزګان لویه لاره د سیلابونو راوتلو له امله د تګ راتګ لپاره له نن سهار راهیسې تړل شوې.

دا په داسې حال کې چې په تېرو څلرویشتو ساعتونو کې د افغانستان په یو شمېر سوېلي ولایتونو کې د دوامداره ورښتونو او سېلابونو راوتلو له امله ګڼو کسانو ته مالي زیانونه اوښتي دي.

نا تایید شوي راپورونه وايي، چې په دغو سېلابونو کې د سر زیان هم اوښتی خو طالبان یې په اړه معلومات نه ورکوي او تر اوسه پورې د خپلواکو ادارو له لوري هم کره شمېرې نه دي خپرې شوې.

په کندهار کې سیمه ییز طالب چارواکي وايي، د دغه ولایت په سپین بولدک ولسوالۍ کې د بارانونو له امله ۲۲ کورونه ویجاړ شوي.

په کندهار کې د طالبانو د کرنې ریاست مسولان وايي، د بارانونو او سېلابونو راوتلو له امله د کندهار په میوند او ژړی ولسوالیو کې شاوخوا ۹۰۰ سوه میوه لرونکي ونې چپه شوې دي.

په دغه ولایت کې د طالبانو د کرنې ریاست د مالدارۍ مدیر محمد الله وايي، د کندارها ولایت د معروف ولسوالۍ په لنډي کلي کې له ۹۰ زیات څاروي مړه شوي.

هاخوا د هلمند د مارجي او ناوې ولسوالیو اوسېدونکي وايي د تېرې ورځې ږلۍ یې فصلونه زیانمن کړي.

د محمد عمر په نوم د ناوې ولسوالۍ یو کروندګر وايي: «دا نو د خدای افت و پنځه دقیقې ږلۍ و اورېدله زموږ د ټول کال خوارۍ یې را ختمې کړې. ما په ژوند دومره غټې ږلۍ نه وې لیدلې سولر هندارې او د موټرانو هندارې یې هم ماتې کړې.»

په هلمند کې د طالبانو د والي ویاند ریاض وايي، په سنګین، موسی کلا او کجکي ولسوالیو کې سېلابونو سلګونه جرېبه کروندې ویجاړې کړې دي.

خو په دغه ولایت کې د سېلابونو له امله د ځاني زیانونو په اړه یې جزیات ورنه کړل.

د هلمند او کندهار ترڅنګ له روزګان ولایت څخه هم د سېلابونو او بارانونو له امله کروندګرو ته د اوښتو زیانونو په اړه راپورونه ورکړل شوي.

د روزګان ولایت سیمه ییز چارواکي وايي، د سېلابونو او بارانونو له امله د خاص روزګان، چنارتو، ګیزاب او دهراود ولسوالیو کې سلګونه جریبه کرنیزه ځمکه او لسګونه کورونه او دوکانونه ویجاړ شوي دي.

د روزګان ولایت د چنارتو ولسوالۍ اوسیدونکي وايي، تېره ورځ ناوخته په دغې ولسوالۍ کې د اوبو یو بند هم ویجاړ شوی.

دا په داسې حال کې ده چې درې ورځې وړاندې د طالبانو د ټرانسپورټ او هوايي‌ چلند د هواپوهنې ریاست د افغانستان په ګڼو ولایتونو کې د چټکو بادونو، بارانونو او سېلابونو د راوتلو خبرداری ورکړی و.

د زادۍ جبهې مشهور قوماندان اکمل امیر تېر کال د وري په ۲۲مه له خپلو شپږو تنو ملګرو عبدالبصیر اندرابي، قربان علي بامیاني، فهیم سالنګي، برهان الدین اندرابي، عبدالصبور فاریابي او حسین سمنګاني سره یو ځای، د سالنګ په کوکلامي دره کې له طالبانو سره په جګړه کې ووژل شول.

په دې غونډه کې د ازادي او ملي مقاومت جبهو مشرانو ګډون کړی وو. دا د طالبانو پر ضد د دغو دوو پوځي خوځښتونو لومړۍ ګډه ناسته وه.

ياسين ضياء د طالبانو له مخالفو خوځښتونو وغوښتل چې د درېيو مياشتو لپاره دې متحد شي او طالبانو پر وړاندې دې بریدونه وکړي.

ښاغلي ضیاء د طالبانو پر وړاندې پر پوځي مبارزې ټینګار وکړ. هغه د امنیت د ټینګښت او د داعش د ځپلو په اړه د طالبانو ادعا ناسمه وبلله او ویې ویل چې طالبانو له وسله والو ډلو سره په همکارۍ یوه «لویه لوبه» پیل کړې ده.

د ملي مقاومت جبهې مشر احمد مسعود په دې ناسته کې وویل، چې د ملي مقاومت او ازادۍ جبهې وژل شوي کسان په یوې جبهې او یوې کورنۍ پورې اړه نه، بلکې په ټول افغانستان پورې اړه لري. نوموړي د طالبانو پر وړاندې د ازادۍ جبهې د مبارزې قدرداني وکړه.

ښاغلي مسعود زیاته کړه چې ځینې کسان هڅه کوي چې په ټولنیزو رسنیو کې د ملي مقاومت جبهې او د ازادۍ جبهې ترمنځ اختلافات رامنځته کړي. هغه ټینګار وکړ چې د دغو دواړو جبهو تر منځ ډېر اتحاد او یووالی موجود دی.

ښاغلي مسعود د طالبانو پر وړاندې د ازادۍ جبهې له خوا د بریدونو د بیا پیل ستاینه وکړه.

ازادي جبهې د روژې له پیله د یوې میاشتې لپاره خپل بریدونه بند کړي وو. دغې جبهې د جمعې په ورځ اعلان وکړ چې د طالبانو پر وړاندې یې خپله جګړه بیا پیل کړې او په کابل کې یې د طالبانو یو غړی وژلی او بل یې ټپي کړی دی.

د طالبانو له واکمنۍ وروسته د افغانستان د ازادۍ او د ملي مقاومت جبهې جوړې شوې. دغو دوو جبهو په تېرو درېیو کلونو کې د افغانستان په بېلابېلو سیمو کې د طالبانو پر وړاندې ګڼ بریدونه کړي دي.

دغې دولتي رسنۍ په خپل راپور کې لیکلي، چې په پنجشیر ولایت کې هم سېلاب «انساني او مالي زیانونه» اړولي دي.

د دغې رسنۍ راپور کې راغلي « د روزګان او پنجشېر په بېلابېلو سيمو کې د دغو سېلابونو له امله د استوګنې کورونه، کرنيزې ځمکې او سړکونه ويجاړ شوي دي.»

تر اوسه د دغو ویجاړیو په اړه معلومات نه دي خپاره شوي.

د طالبانو د ترانسپورت او هوايي چلند وزارت د هوا پېژندنې ادارې د شنبې په سهار (د وري ۲۵مه) په ټول افغانستان کې د سختو واورو او بارانونو، برېښنا او سېلابونو د احتمال خبرداری ورکړی و.

د طالبانو تر کنټرول لاندي باختر خبري اژانس د شنبې په ورځ د ولايتي امنيتي مسولينو له قوله خبر ورکړی، چې د بدخشان په شهر بزرګ ولسوالۍ کې د يوه موټر د چپه کېدو له کبله ۴ کسان مړه شوي او ۷ نور ټپيان شوي دي.

باختر اژانس ليکلي، چې په ټپيانو کې ښځي او ماشومان شامل دي او ټول د يوې کورنۍ غړي دي.

بل لوري بيا په سمنګان کې د طالبانو د امنیه قومندانۍ مسولینو سېمه یيزو رسنیو ته ويلي، چې د دې ولایت او بلخ پر لويه لار د حضرت سلطان ولسوالۍ په یکه توت کې د يوه موټر د ټکر له کبله یو کس مړ او ۹ نور ټپي شوي دي.

طالب ولايتي مسولان وايي، چې د ۵ ټپیانو روغتیايي حالت د اندېښنې وړ دی.

د باغيس د طالبانو امنيه قومندانۍ پرون خبر ورکړ، چې یو موټر چپه شوی، دوه کسان په کې مړه شوي او ۴ نور ټپيان شوي دي.

په یو بل خبر کې بيا د پروان طالبان وایي، چې د يوه موټر د ټکر له امله ۳ کسان مړه شوي او دوه نور ټپي شوي دي.

د پروان د طالبانو امنيه قومندانۍ وايي، چې پېښه د دې ولايت په مرکز کې شوې.

د ولايتي طالب مسولانو په خبره، چې ټپي شوي کسان يې سېمه ييزو روغتونونو ته انتقال کړي او تر تداوی لاندي دي.

د یادوني وړ ده، چې د اختر په لومړۍ ورځ په کونړ ولایت کې د ټرافیکو پېښو له امله یو کس ژوند له لاسه ورکړ او ۲۷ نور ټپیان شوي دي.
د طالبانو تر واک لاندې باختر اژانس راپور ورکړی، دغه پېښې په شیګل، ناړۍ، سرکاڼو، نواپاس، نرنګ او څوکۍ ولسوالیو کې د موټرو د ټکر او چپه کېدو له امله رامنځته شوې دي.

په دې وروستيو کې په ډېرو ولایتونو کې د ترافیکي پېښو ګراف لوړ شوی.

څه موده مخکي د طالبانو رییس الوزرا هم اړوندو ادارو ته سپارښتنه کړې وه، چې پر لوي لار د ترافيکي پېښو څار زیات او مخه یې ونيسي.