د طالبانو بهرنيو چارو وزارت: پر اسراييل د ایران بريد «دفاعي او مشروع اقدام» دی

د پاکستان بهرنیو چارو وزارت د یک شنبي په ورځ د (وري ۲۶مه) له غرمې مخکې پر اسراییل د ایران د برید په اړه دیوې خپرې شوې خبرپاڼې له لارې په منځني ختیځ کې د روانو حالاتو په اړه اندېښنه ښودلې ده.

په خبرپاڼه کې ویل شوي چې، پاکستان په منځني ختیځ کې له میاشتو راهیسې روان کړکېچ ته د یوې ژورې اندېښنې په توګه ګوري، «پاکستان په سیمه کې د دښمنۍ د پراخېدو د مخنیوي په اړه غزه کې د اوربند لپاره د نړېوالو هڅو پر اړتیا ټینګار کوي.»

خبرپاڼه کاږي چې، پاکستان د ۲۰۲۴ د اپریل په دویمه نېټه د ایران پر کونسلګرۍ د برید خطرونو ته د یوې لویې شخړې په توګه اشاره کړې وه.

د پاکستان د بهرینو چارو وزات وایي، د نن ورځې کړکېچ د ډیپلوماسۍ د ماتېدو پایلې ښيي.

پاکستان پر اسراییل د ایران برید ته په اشاره وايي، په اوس وخت کې د وضیعت عادي کولو او د سولې ټینګښت لپاره خورا جدي ګامونو ته اړتیا ده.

پاکستان پر دواړو لوریو غږ کړی چې له زغم څخه کار واخلي او د تاوتریخوالي کمولو په لور هڅې وکړي.

همدارنګه د هند بهرنیو چارو وزارت پر اسراییل د ایران د برید په اړه د یوې خبرپاڼې په خپرولو سره ویلي،« موږ د اسراییل او ایران ترمنځ د تاوتریخوالي د زیاتوالي په اړه چې په سیمه کې سوله او امنیت ګواښي، جدي اندېښمن یو.»

په وینا پاڼه کې راغلي: «موږ د سملاسي تاوتریخوالي کمولو، زغم او له تاوتریخوالي څخه د وتلو او د ډیپلوماسۍ لارې ته د راستنېدو غوښتنه کوو.»

د هند بهرنیو چارو وزارت زیاتوي، «موږ په سیمه کې حالات له نږدې څارو. زموږ سفارتونه د هندي ټولنې سره نږدې تماس کې دي. په سیمه کې د امنیت او ثبات ساتل حیاتي دي.»

خو تر دې دمه د طالبانو د بهرنیو چارو وزارت په اسراییل د ایران د برید په اړه کوم غبرګون نه دی ښودلی.

د طالبانو سترې محکمې نن یکشنبه د (وري ۲۶مه) په ایکس پاڼه لیکلي، چې د دغو کسانو له ډلې یې یوه تن ته د اته میاشتې تنفیذي د بند سزا ورکړې او شل دورې یې وهلی.

دویم هغه یې په ۱۰ میاشتې تنفیذي بند محکوم او ۲۰ دورې وهلی، او دریم ته یې هم شپږ میاشتې تنفیذي بند سزا ورکړې او ۱۰ دروې یې وهلی دی.

د طالبانو په وړاندې شویو معلوماتو کې د سزا د څرنګوالي په اړه څه نه دي ویل شوي، خو زیاته کړې یې ده چې دغو کسانو ته تعزیري سزا ورکړل شوې ده. دا ډله معمولا په داسې قضیو کې تورن کسان په دورو وهي.

واک ته د طالبانو له رسېدو وروسته دغې ډلې جسمي سزاګانې بیا پیل کړې، خو په دې وروستیو کې د دغې ډلې چارواکو د وهلو ټکولو، د لاسونو پرې کول او اعدام په څېر جسمي سزاګانې ډیرې کړې دي.

په دې وروستیو کې ملګرو ملتونو په افغانستان کې د جسمي مجازاتو د دوام په اړه اندېښنه څرګنده کړې او له طالبانو یې غوښتي چې د جسمي مجازاتو چې د انساني کرامت خلاف او ظالمانه عمل دی مخه ونیسي.

خو د طالبانو ډلې ویلي چې اسلامي شریعت پلي کوي او بهرني هېوادونه او سازمانونه دې د افغانستان په کورنیو چارو کې لاسوهنه نه کوي.

د ایرنا د راپور له مخې هغه وویل چې د برید لامل یې د اسراییل د برید ځواب و چې دوی ته سره کرښه وه او دوی یې زغم نه درلود.

د ایران دغه پوځي چارواکي څرګنده کړه: «اسراییل چې په دمشق کې زمونږ کونسلګرۍ په نښه کړه او زمونږ حقوقی سلاکاران چې د سوریې د حکومت په بلنه په دغه هیواد کې موجود وو په نښه کړل، دا له سرو کرښو تېرېدل وو چې د اسراییل له دوو یا درېیو هیوادونو پرته. نورو ټولو هیوادونو وغانده.»

د ایران وسله والو ځواکونو لوی درستیز زیاته کړه: «موږ هڅه وکړه چې دغه عملیات د یوه خبرداري په ډول وي، د ولسي وګړو مرکزونه په نښه نه شي او موږ په کلکه له خپلې خاورې دفاع ته چمتو یو.»

د طالبانو د اوبو او انرژۍ وزارت د یک شنبې په ورځ د (وري ۲۶مه) په اېکس پاڼه لیکلي، چې د وري له ۲۷مې نېټې څخه تر ۲۹مې نېټې پورې د هېواد د سیندیزو حوزو په ځینو ځایونو کې د اوبو کچې د لوړېدو او سېلابونو راوتلو احتمال ډير دی.

یاد وزارت وايي، د هوا پېژندنې ادارې د او نړېوالې هوا پېژندنې ادارو د وړاندوینو له مخې د افغانستان په ځینو برخو کې د چټکو بارانونو او وارې ورېدو له امله د سېلابونو د راوتلو او ناڅاپي اورښتونو او سېلابونو راوتلو ډیر اټکل د هریرود، هلمند شمال، کابل او پنج امو په سیندیزو حوزو کې شوی دی.

د طالبانو د اوبو او انرژۍ وزارت خبرداری ورکوي او وايي، چې د «کوشک و کشان، هرات، فراه، خاشرود، هلمند، ارغنداب، ترینکوټ، ترنک، غزني، پکتیا، پکتیکا، خوست، لوګر، کابل، مدان وردګ، غوربند، پنجشیر، لغمان، کنړ، نورستان، فاریاب، جوزجان، بلخ، سمنګان، بغلان، تخار او بدخشان سیندونو کې د سېلابونو د راوتلو احتمال ډیر دي.»

دغه وزارت د یادو سیندونو په څنډو کې استوګنو کسانو ته خبرداری ورکړی چې د ځان او خپلو ماشومانو د ساتنې لپاره تر راتلونکو درېیو ورځو د سیندونو له غاړو لیرې و اوسي.

ها خوا د کندهار او اروزګان لویه لاره د سیلابونو راوتلو له امله د تګ راتګ لپاره له نن سهار راهیسې تړل شوې.

دا په داسې حال کې چې په تېرو څلرویشتو ساعتونو کې د افغانستان په یو شمېر سوېلي ولایتونو کې د دوامداره ورښتونو او سېلابونو راوتلو له امله ګڼو کسانو ته مالي زیانونه اوښتي دي.

د ایران د پارلمان غړو چې د خپلو څوکیو مخې ته راښکته شوي وو، د «مرګ پر اسراییل»، «سلام دې وي د اسلام په جنګیالیو»، «زموږ په رګونو کې وینه زموږ رهبر ته ډالۍ ده» او «اې د ازادۍ رهبره، موږ چمتو یو موږ چمتو» شعارونه ورکول.

هاخوا د فلسطین حماس ډلې پر اسراییل د ایران برید یو طبیعي حق بللی.

حماس په دمشق کې د ایران پر کونسلګرۍ برید ته په اشارې وویل چې پر اسراییل د ایران برید یې د دغه هیواد «طبیعي حق او مناسب ځواب» بللی دی.

حماس ویلي دي چې دغه ډله د اسراییل د بریدونو په وړاندې د «د سیمې د هیوادونو او ولسونو طبیعي حق» باندې ټینګار کوي.