د فوټبال نړۍوال فډراسیون تېره ورځ (د غويي ۱۷مه) د فوټسال ډلبندي خپره کړه.
د فوټبال نړۍوال فډراسیون (فیفا) په دغې ډلبندۍ کې د افغانستان د فوټسال ملي لوبډلې ۳۰م ځای خپل کړی.
په دغې ډلبندۍ کې د برازیل ملي لوبډله د ښځینه او نارینهوو په برخه کې لومړی ځای لري.
د نارینهوو په برخه کې برازیل، پرتګال، اسپانیا، ایران او ارجنټاین په ترتیب سره د نړۍ غوره پنځه لوبډلې دي.
تېرکال افغانستان د فوټسال په نړۍوالې ډلبندۍ کې ۱۰۰م ځای خپل کړی و؛ خو د وروستیو لاسته راوړنو او نړۍوال جام ته له لار موندنې وروسته افغانستان وتوانېده، چې د دغې ډلبندۍ ۳۰م مقام خپل کړي.
د فوټسال نړۍوال جام سیالۍ به په روان زېږدیز کال کې د ازبکستان په کوربهتوب د افغان لوبډلې په ګډون د ۲۶ لوبډلو ترمنځ ترسره شي.