د برازیل په سوېل کې د سختو سېلابونو له امله د مړو شمېره ۱۰۷ تنو ته لوړه شوه. د برازیل په پورټو الیګر او هغې ته څېرمه سیمو کې لږ تر لږه ۱۳۴ کسان تري تم دي او شاوخوا ۱۶۵ زره خلک بې ځایه شوي دي.
په راتلونکو ورځو کې د نورو بارانونو وړاندوینه هم شوې ده، چې ورسره دا ویره زیاتوي چې د اوبو کچه به د ډوب شوي ایالت په پلازمینه پورټو الیګر او نږدې ښارګوټي کې نوره هم لوړه شي.
د اټکل له مخې، د دغه ویجاړو شویو سیمو رغول به ۳.۶۸ مېلیارد ډالر لګښت ولري.
ویل کېږي، چې په سېلاب ځپلو سیمو کې خلک په سړکونو ویده کېږي او د خوراکي توکو له کمښت سره مخ دي.
په برازیل کې تېره اونۍ سخت بارانونه ورېدلي، چې د سېندونو د ډکېدو، د ښارونو د ډوبېدو او په ټول ښار کې د سړکونو او پلونو د ویجاړېدو لامل شول.
