د تورخم دروازه د درېیو ورځو لپاره د مسافرو پر مخ تړل کیږي

د طالبانو تر کنټرول لاندې باختر خبري اژانس د طالبانو د تورخم د کمیسار له قوله ویلي، چې په تورخم کې د پاکستان اړخ ته په نوې کاري ودانۍ کې د دفترونو د ځای پر ځای کولو لپاره پاکستاني اړخ د درېیو ورځو لپاره د دروازې د تړلو پرېکړه کړې ده.

نوموړي زیاته کړې، چې په دغو درېیو ورځو کې بار وړونکو لاریو ته د تګ راتګ اجازه ورکول کیږي؛ خو مسافر نه شي کولی، چې سفر وکړي.

په ورته وخت کې پاکستاني رسنیو هم د تورخم د دروازې د تړل کېدا خبر ورکړی؛ خو دا یې نه دي ویلي، چې له پاکستانه د ایستل کېدونکو کډوالو پر مخ هم لاره تړل شوې او که نه.