د ډونالډ ټرمپ د محکمې قاضي خوان مرچان د پخواني ولسمشر په اړه د پرېکړې د اعلانولو نېټه د چنګاښ ۲۱مه ښودلې، چې د امریکا ولسمشریزو ټاکنو ته د ډونالډ ټرمپ د نومولو په اړه د جمهوري غوښتونکو د ملي راغونډېدلو څلور ورځې وړاندې به اعلان شي.
تر دې وړاندې منصفه پلاوي ښاغلی ټرمپ ګناه کار بللی و.
پر ډونالډ ټرمپ د ټولو لګېدلو تورونو له امله چې نوموړی یې له امله مجرم ګڼل شوی، کېدای شي هغه په څلور کاله بند محکوم شي.
د ټرمپ د دوسیې د څېړلو قاضي کولای شي، چې د هغه پر ضد د بندي کولو د حکم پر ځای هغه په کورني بند او یا مشروط حبس محکوم کړي؛ خو د بیا کتنې مودې ته په پام سره چې ښايي د امریکا له ټاکنو وروسته د نومبر تر میاشتې وغځېږي، د محکمې پرېکړه به وروستۍ نه وي.
د امریکا پخوانی ولسمشر ډونالد ټرمپ په سوداګریزې مخینې کې د درغلیو په تور د حق السکوت د ورکړې په تور د نیویارک په یوې محکمه کې ګناه کار وپېژندل شو.
هغه تورن و، چې د دغه څه د پټولو لپاره یې په سوداګریزو سندونو کې درغلي کړې چې له امله یې د پورن د ستورې سره د هغه جنسي اړیکې پر ټاکنو اغېز پرې نه باسي.
منصفه پلاوي ښاغلی ټرمپ د سوداګریزو اسنادو په درغلۍ په ۳۴ سندونو کې چې ستورمي ډنیلز ته یې ۱۳۰ زره ډالره په ۲۰۱۶ کال کې له ټاکنو مخکې ورکړي و، مجرم پېژندل شوی دی.
ښاغلي ټرمپ د محکمې دغه پرېکړه «شرموونکې» بللې او قاضي ته یې ګواښونه وکړل.
هغه د سوشیال ټروث په نامه په خواله رسنۍ کې قاضي «فاسد» او محکمه یې «جعلي» بللې او لیکلي یې دي: «موږ د خپل اساسي قانون لپاره جنګېږو. اوږده لار په مخکې ده، چې دغه لانجه غوڅه شي.»
