هندي چارواکو د دوشنبې په ورځ ویلي، چې سږني دوبي کې د تودوخې څپې له سلو ډېر کسان مړه کړي او له ۲۵زرو ډېر کسان یې ناروغه کړي دي. د هند په یوشمېر ښارونو کې له هغې ډلې په ډیلي کې د تودوخې درجه له مارچ میاشتې راهیسې تر ۵۰ سانتي ګرادو لوړه شوې ده.
کارپوهان وایي، اقلیمي بدلون د تودوخې د لوړوالي لامل شوی.
د اودېسا چارواکو د دوشنبې په ورځ وویل، چې په دغه ایالت کې لږ تر لږه ۳۰ کسان د تودوخې له امله مړه شوي دي.
هندي چارواکو وویل، چې د لمر د وړانګو له امله ۹۷ مشکوکې مړینې هم د دوی تر څېړنې لاندې دي.
د هند په شمال لوېدیځ او ختیځ کې د ګرمو ورځو شمېر د پخوا پرتله دوه چنده زیات ثبت شوی چې لامل یې د تالندې، برېښنا کمېدل او له ګاونډیو سیمو هند ته د ګرمو بادونو کې لګېدل ښودل شوی دي.
د هند په شمالي او لوېدیځو برخو کې هغه ځایونه چې د تېرې میاشتې د ټاکنو پرمهال په کې د تودوخې درجه ترټولو هغو لوړه وه د مړینې راپورونه ورکړل شوي دي.
له بل پلوه بیا د هند ختیځې برخې له تېز توپانه اغېزمنې شوې او د دغه هېواد د شمال ختیځ په اسام ایالت کې شړکنده بارانونو د سه شنبۍ ورځې راهیسې تر دې دمه ۱۴کسان مړه کړي دي.
د هند د هواپوهنې ادارې اټکل کړی، چې دغه د تودوخې څپه به د دغه هېواد په شمال او ختیځ کې تر راتلونکو پنځو ورځو دوام وکړي.
