المان، فرانسې او برېتانیا د ایران د اټومي پروګرام د پراختیا پرېکړه غندلې ده

AP ۱۴۰۳ غبرگولی ۲۶

المان، فرانسه او بريتانيې د ایران په فردو او نتانز تاسیساتو کې د نويو سانټريفيوژنو د نصبولو په اړه د ایران اقدام غندلی او د تهران د اټومي وسلو د ترلاسه کولو د خطر په اړه یې اندېښنه ښودلې ده.

دوی وویل، چې ایران په دغو اقداماتو سره د «برجام موافقې» پر مخالف لور لا ډیر ګامونه پورته کړي دي.

د دې دریو هیوادونو په اعلامیه کې، چې د شنبې په ورځ خپره شوه ویل شوي، چې ایران د نتانز د بډاینې په بټۍ کې په لسګونو نور پرمختللي سانټريفیوژونه کاروي او اعلان یې کړی، چې د فردو او نتانز په بټیو کې به په زرګونو نور سانټريفیوژونه نصب کړي.

د اټومي انرژۍ د نړیوالې ادارې څارونکو (د غبرګولي ۱۶مه) په تېرو دوو کلونو کې د لومړي ځل لپاره د ایران د اټومي پروګرام پر ضد پریکړه لیک صادر کړ.

د دغه پريکړه ليک له صادرېدو لس ورځې وروسته المان، فرانسې او بريتانيا وويل، چې د ایران د غني شويو يورانيمو زېرمې او د غني کولو ضرفيت اوس د (برجام موافقې) له حدودو څخه د پام وړ زيات شوی؛ خو د ایران له نويو اقداماتو سره به د (برجام موافقې) له ژمنو سر غړونه نوره هم زياته شي.

د دوی په وینا، ایران په ځانګړې توګه د فردو تاسیساتو د تولید ظرفیت په لوړولو سره پریکړه کړې، چې خپل اټومي پروګرام نور هم پراخ کړي، چې دې موضوع د ایران د اټومي وسلو او اړوندو ټیکنالوژیو د ترلاسه کولو د خطر په اړه اندیښنه رامنځته کړې ده.

رويټرز خبري اژانس (د غبرګولي ۲۳مه) نېټه د اټومي انرژۍ د نړيوال اژانس د پنځو ډيپلوماټانو په حواله خبر ورکړی و، چې د تهران د اټمي پروګرام پر ضد د څارونکو د شورا د وروستي پرېکړه لیک په غبرګون کې، ایران په فردو او نتانز د ځمکې لاندې دوو بټیو کې د یورانیمو د غني کولو ظرفیت زیات کړی دی.

نور خبرونه

رادیو