په بامیان ولایت کې د طالبانو د رسنیو دفتر وایي، چې تېره ورځ (د غبرګولي ۲۵مه) د سېلابونو له امله د دغه ولایت په یو شمېر سیمو کې ۶۰ څاروي تلف شوي، ۲۰۵ جریبه کرنیزه ځمکه، ۱۲ کورونه او شاوخوا ۲۶ کیلومتره سړکونه ویجاړ شوي دي.
د طالب چارواكو په وينا، دغه سېلابونه د بامیان په مرکز ګلستان سیمه او سيغان ولسوالۍ كې راوتلي دي.
همدا تېره ورځ د طالبانو تر کنټرول لاندې د هواپوهنې ادارې په اتو ولایتونو کې د شړکنده باران، تالندې برېښنا، تېزو سېلیو، خاورو دوړو او سېلابونو د راوتو خبرداری ورکړی و؛ خو د دغې ادارې لهخوا په خپره شوې خبرپاڼه کې د بامیان ولایت نوم نه و یاد شوی.له بل پلوه تېره ورځ د کډوالو لپاره د ملګرو ملتونو عالي کمېشنرۍ ویلي و، د افغانستان په بېلابېلو ولایتونو کې ناڅاپي سېلابونو خلک له هره اړخه سخت ځپلي دي.دغه بنسټ ویلي، چې په دغه ناورین کې مېرمنې او ماشومان تر نورو زیات ځپل شوي او له سېلاب ځپلو سره یې په هر اړخیزو مرستو او ملاتړ ټینګار کړی.د ملګرو ملتونو عالي کمېشنري وايي، وروستیو سېلابونو تېره میاشت لږ تر لږه ۳۴۷ تنه وژلي او له ۱۰ زرو څخه زیات کورونه یې ویجاړ کړي دي.
دغه لاریون کوونکو په خپلې اعلامیه کې لیکلي، چې لاریون یې په بلجیم کې د زیانمنو افغان کډوالو د پناه غوښتنې د نه منلو او د دوی پر وړاندې د دغه هېواد د چارواکو د نا عدالتۍ په وړاندې ترسره کړی دی.
دغه لاریون د جمعې په ورځ د ماسپښین له ۲ تر ۵ بجو ترسره شو.
د دغه لاریون یو جوړونکی او ګډونوال علم خان خوګیانی افغانستان انټرنشنل ته وویل، چې په بلجیم کې شا وخوا د ۶ زره افغانانو د پناه غوښتنې دوسیې رد شوي دي.
علم خان خوګیانی زیاته، دا اتم ځل دی چې دوی لاریون کوي خو د بلجیم د حکومت له خوا یې کوم مثبت ځواب نه دی ترلاسه کړی.
ښاغلی خوګیانی وایي، هغو افغان کډوالو چې د پناه غوښتنې دوسیې یې رد شوي ډېری یې کم عمره ځوانان دي.
د نوموړي په وینا، د افغان کډوالو د پناه غوښتنې د قضیو پر وړاندې د بلجیم حکومت سخت دریځ کاروي او له نرمښت څخه کار نه اخلي.
ښاغلي خوګیاني په ټینګار سره وویل: «تر هاغه به دغو لاریونونو ته دوام ورکوي تر څو چې د بلجیم حکومت د افغان پناه غوښتونکو قضیو ته مثبت ځواب ووایي.»