د سپینې ماڼۍ پخوانۍ ویانده کانګرس ته له افغانستانه د ځواکونو د وتلو په اړه شاهدي ورکوي
ټاکل شوې ده، چې د سپینې ماڼۍ پخوانۍ ویانده جین ساکي به کانګرس ته له افغانستان څخه د امریکایي ځواکونو د وتل په اړه شاهدي ورکړي.
ټاکل شوې ده، چې د سپینې ماڼۍ پخوانۍ ویانده جین ساکي به کانګرس ته له افغانستان څخه د امریکایي ځواکونو د وتل په اړه شاهدي ورکړي.
واشنګټن ایکسماینز ورځپاڼې د سې شنبې په ورځ (د غبرګولي ۲۹مه) لیکلي، چې اغلې ساکي به په ۲۰۲۱ میلادي کال کې د بایډن د ادارې له خوا له افغانستان څخه د امریکايي ځواکونو د وتلو په اړه د تحقیقاتو د یوې برخې په تګه د ولسي جرګي د بهرنیو چارو کمېټي له وکیلانو سره وګوري.
مېرمن ساکي به د جولای په ۲۶مه د وکیلانو په وړاندې حاضر شي تر څو له افغانستان څخه د امریکایي ځواکونو وتلو کې د خپل رول په اړه وغږیږي.
تر دې مخکې د دغې کمېټې مشر مایکل مکال ویلي وو، چې هغه مهال اغلي ساکي د یوې «معتبرې سرچینې» په توګه کار کاوه.
ټاکل شوې مرکه شا وخوا نهه میاشتې وروسته له هغې ترسره کیږي، چې مایکل مکال د سپټمبر په میاشت کې له هغې د همکارۍ غوښتنه وکړه.
مایکل مکال اغلې ساکي ته په یوه لیک کې لیکلي: «د پخوانۍ دولتي کارکوونکې په توګه او اوسنې نادولتي کارکوونکې په توګه کانګرس ته حاضره شې چې کله وغوښتل شې.»
د امریکا د بهرنیو چارو وزارت د وتلو امر تر هغه اعلان نه کړ، تر څو چې د امریکا په ملاتړ افغان حکومت ۲۰۲۱کال د اګست په ۱۵مه د طالبانو لاس ته ولوید.
امریکايي ځواکونو وکولای شول تر ۱۲۰ زرو ډېر کسان وباسي، خو زرګونه امریکايي اتباع یا افغانان چې د دوو لسیزو جګړې جګړې لسیزو جګړو پر مهال یې له امریکايي ځواکونو سره کار کړی شاته پاتې دي.
