د کرېکټ نړۍوال شل اوریز جام سیالۍ؛ انګلنډ په اتو وېکټو وېسټ انډیز ته ماتې ورکړه
د کرېکټ نړۍوال شل اوریزو جام سیالیو پر دوام؛ نن د دغه سیالیو د دویم پړاو په دویمه لوبه کې انګلنډ په اتو وېکټو وېسټ انډیز ته ماتې ورکړه. په انګلنډ لوبډلې کې سالټ ۸۷ تر ټولو ډېرې منډې وکړې.
په دغه پړاو کې نن افغانستان خپله لومړۍ لوبه د ماښام په ۷ بجو د هند پر وړاندې کوي.
د دغه جام دویم پړاو سیالۍ تېر ماښام د امریکا او سوېلي افرېقا په لوبې پیل شو، چې سوېلي افریقا دغه لوبه د ۱۸ منډو په توپیر وګټله.
انګلنډ به بیا په دغه پړاو کې خپله دویمه لوبه سبا جمعه له سوېلي افریقا سره کوي.
په دغه پړاو کې د افغانستان، وېسټ انډیز، هندوستان، امریکا، بنګله دېش، اسټرالیا، انګلند او د سوېلي افریقا لوبډلې شاملې دي.
له دغه پړاوه به یوازې څلور لوبډلې نیمه پایلوبې ته لار ومومي.
