د طالبانو له زندانه د یوې ښځې کیسه: هغوی زما ورنونه په چاقو پرې او مالګه یې پرې شیندله
له افغانستان انټرنشنل سره په مرکه کې یوې ښځینه فعالې لیلما دولت زۍ وویل، چې طالب وسله والو په زندان کې د هغې ورنونه په چاقو پرې کړي او بیا یې مالګه پرې دوړولې وه.
له افغانستان انټرنشنل سره په مرکه کې یوې ښځینه فعالې لیلما دولت زۍ وویل، چې طالب وسله والو په زندان کې د هغې ورنونه په چاقو پرې کړي او بیا یې مالګه پرې دوړولې وه.
مېرمن دولت زۍ وايي، چې د طالبانو په زندان کې يې د لوږې له امله خپله لخته شوې وینه خوړله.
لیلما دولت زۍ ویلي، چې په تېر حکومت کې د بلخ ولایت د چهاربولک ولسوالۍ د ښځو د شورا مشره وه.
د ښځو د حقونو دغې فعالې د طالبانو له زندانه تر خوشې کېدو یو نیم کال وروسته له افغانستان انټرنشنل سره په یوه ځانګړې مرکه کې د خپل بند ټکان ورکوونکې کیسې کړي دي.
لیلما دولت زۍ وویل، چې طالبانو هغه په یو سویلي ولایت کې له دې امله ونیوله چې د ښځو د حقونو د خوندیتوب او د جمعیت اسلامي د غړې په توګه یې فعالیت کاوه.
هغه وايي، چې شپاړس ورځې او شپې د طالبانو په بند کې وه او ۳۵ طالب وسله والو د کلاشینکوفونو او چاقو په وسیله په زندان کې شکنجه کړې ده.
مېرمن دولت زۍ د شکنجې د انځورونو په ښودلو زیاته یې کړه، چې که څه هم خوندي ځای ته لېږدول شوې، خو بیا هم «د طالبانو د زندان په نامه دوزخ» نه شي هېرولی. هغه زیاتوي، چې کله چې د طالبانو د زندان یادونه کیږي، لاسونه او پښې مې ریږدي.
دغه انځورونه ښيي چې د مېرمن دولت زۍ ټول بدن د شکنجې له امله شین شوی و.
هغې وويل، چې طالبانو په زوره د اعتراف اخېستلو لپاره شکنجه کړې ده. نوموړې د دې مرکې په یوه برخه کې ویلي، چې د طالبانو یو قوماندان یې د ورنونو غوښې په چاقو پرې کړې وې او مالګه یې پرې شیندلې وه.
له وینې تغذیه
د ښځو د حقونو دغې فعالې ټینګار وکړ، چې د طالبانو په زندان کې شپه او ورځ وږې ویده کیده او خپله لخته شوې وینه به یې خوړله.
د طالبانو دغې پخوانۍ بندۍ وویل، چې د دغې ډلې د زندان ساتونکي ټول نارينه وو. هغې زیاته کړه چې نورې ښځې هم د طالبانو په بند کې وې او د دغې ډلې وسله والو دغه ښځې سختې شکنجه کولې.
هغه وايي، چې له يو کال او اوو مياشتو وروسته لا هم د زنداني ښځو اوښکې او چيغې یې غوږونو کې انګازې کوي. هغې زیاته کړه چې روان یې سخت زیانمن شوی او هره شپه ویرونکي خوبونه ویني.
د رشوت په بدل کې د طالبانو له زندانه خوشې کیدل
مېرمن دولت زۍ د طالبانو له زندانه د خوشې کېدو په اړه وویل، چې د طالبانو د زندان یو ساتونکي ته د ۷۵۰ زره افغانیو د ورکړې په بدل کې د دغې ډلې له زندانه تښتېدلې ده.
هغې وويل، چې دغه پيسې يې د يوه منځګړي په وسيله د طالبانو د زندان ساتونکو ته ورکړې دي. هغې ټینګار وکړ چې له زندانه تر خوشې کېدو وروسته یې افغانستان پرېښود.
هغه د طالبانو په زندان کې د ښځو پر وړاندې د جنسي تېري، شکنجه کولو او لوڅولو په اړه د ښځو ادعاوې تاييد کړې او ويې ويل، چې د طالبانو زندان د ښځو د عزت او ناموس خوندي ځاى نه دى.
تر دې مخکې هم یو شمېر ښځینه بندیانو د طالبانو په زندان کې د جنسي تیري، شکنجه کولو او لوڅولو خبره کړې وه.
د دواړو لوبډلو تر منځ لومړۍ تمریناتي لوبه درې ورځې وړاندې ۱-۴ په پایلې سره د مراکش په ګټه پای ته ورسېده، چې مراکش د فیفا په درجه بندۍ کې شپږم ځای لري.
له لومړۍ لوبې وروسته د افغانستان د فوټسال ملي لوبډلې مشر روزونکي مجید مرتضوي د مراکش پر وړاندې، چې د نړۍ یو له پیاوړو لوبډلو څخه ده د خپلو لوبغاړو له سيالۍ څخه خوښي څرګنده کړه او د لوبڅار تېروتنې یې د لوبې پر پايلي اغېزمنې وبللې.
د چهارشنبې د شپې په لوبه کې افغان لوبډلې په لومړۍ نیمايي کې د مراکش پر وړاندې مقاومت وکړ او لوبه له کوم ګول پرته پای ته ورسېده.
په دې لوبه کې د افغانستان یوازینی ګول مهران غلامي وکړ.
په نړیوال جام کې له ګډون مخکې د افغانستان لوبډلې لپاره د چمتوالي لوبې مهمي دي.
د چمتووالي په وخت کې تخنیکي کارکوونکي کولای شي له ځواکمنو لوبډلو سره په لوبو کې د لوبډلې کمزورتیاوې او قوتونه په ګوته کړي.
د افغانستان د فوټسال ملي لوبډله، چې د ۲۰۲۴ کال نړیوال جام ته د تیاریو په حال کې ده، د مراکش د فوټسال له ملي لوبډلې سره د دوو تمريناتي لوبو لپاره دغه هېواد ته تللې ده.
افغانستان د نړیوال جام په دریم ګروپ کې د ارجنټاین، اوکراین او انګولا له لوبډلو سره سيالۍ لري.
په نړیوال جام کې د افغانستان د لوبو مهال ویش:
افغانستان – انگولا (یکشنبه ٢٥ وږي۱۴۰۳)
افغانستان – ارجنتاین (چهارشنبه ٢٨ وږي۱۴۰۳)
افغانستان – اوکراین (شنبه ۳۱ وږي ۱۴۰۳)
د ۲۰۲۴ کال د فوټسال نړیوال جام به د ازبکستان په کوربه توب د ۲۴ لوبډلو په ګډون د ۱۴۰۳ کال د وږي په ۲۴مه د شنبې په ورځ پيل او د تلې مياشتې تر ۱۵ نېټې به دام وکړي.
دا څلورم ځل دی چې د فوټسال نړیوال جام په اسیا او د لومړي ځل لپاره په منځنۍ اسیا کې ترسره کېږي.
