د امریکا د پخواني ولسمشر ډونالډ ټرمپ زوی ویلي، له برید وروسته یې له خپل پلار سره خبرې کړې او ډونالډ ټرمپ اوس «ښه روحیه» لري. تر دې مخکې ډونالډ ټرمپ ویلي وو چې په دغه برید کې مرمۍ د هغه د ښي غوږ پورتنۍ برخه پرې کړې ده.
د امریکا د استخباراتو ادارې چې د امریکا د ولسمشرانو د ساتنې دنده پر غاړه لري، په یوه بیان کې ویلي چې بریدګر د ډونالډ ټرمپ د پلویانو د راټولېدو له ځای بهر له یوه لوړ ځای څخه پر ډونالډ ټرمپ څو ډزې وکړې.
دغې ادارې وويل امنيتي ځواکونو بريدکوونکى وواژه.
د بیان له مخې، په دغه برید د لاريون يو تن وژل شوى او دوه نور ټپيان دي. په خبرپاڼه کې د وژل شوي کس هويت او د وژل کېدو څرنګوالی نه دی په ډاګه شوی.
