حامد کرزي د ایران له ځانګړي استازي سره د دواړو هېوادو د اړيکو پر پياوړتيا خبرې وکړې

په خبرپاڼه کې د یکشنبې په ورځ د دغه ولایت د طالبانو د امنيه قومندان عبدالرشيد عمري له قوله ليکل شوي، چې دغه کسان يې د خوست په مرکز، ګربزو او اسماعيل خېلو ولسواليو کې نيولي دي.

عمري زياتوي: «دغو کسانو د هوایي ډزو په ترڅ کې نجونې د دوی له رضایت پرته خپلو ځانو ته نومولې وې.»

په خوست کې طالبانو خلکو ته خبرداری ورکړی، چې د هغو کسانو پر وړاندي جدي اقدام کوي، چې «ناسم او د بشر ضد رواجونه» پالي.

طالبانو له ځايي خلګو څخه د دې رواجونو د مخنيوي په برخه کې د همکارۍ غوښتنه کړې ده.

د ایراني رسنیو په حواله، وحیدي وویل، «د بهرنیو اتباعو له خوا د کورونو اخېستل له قوانینو سره سم دي، چې دا مهال موږ نه لرو، نو د یوه بهرني وګړي په نوم د ملکیت اخیستل اوس داسې موضوع نشته.»

هغه خبرداری ورکړ چې که هغه سیسټمونه او وسایل چې د سمبالولو او څارنې مسولیت لري له دې سرغړونو سره مخ شي، دوی به اقدام وکړي.

احمدي وحیدي په عین حال کې وویل چې د پام وړ شمیر "غیرقانوني" افغانان له ایران څخه اېستل شوي او دا کار په دوامداره توګه روان دی.

د ایران د کورنیو چارو وزیر وايي، یو شمېر افغانان په سیاحتي ویزو ایران ته تللي، خو د دوی ویزې پای ته رسېدلي او په ایران کې کار کوي. هغه وويل: "دا د منلو وړ نه ده."

د ایران اسلامي جمهوریت هره میاشت د هېواد له بیلابیلو سیمو څخه زرګونه افغان کډوال نیسي او افغانستان ته یې استوي.

تر دې مخکې د کرمانشاه د والي دفتر د اتباعو او بهرنیو کډوالو د چارو عمومي ریاست په ۱۶ ولایتونو کې د افغان کډوالو پر تګ راتګ، استوګنې او کار کولو بندیز اعلان کړی و.

ختیځ اذربایجان، غربي اذربایجان، اردبیل، زنجان، کردستان، کرمانشاه، ایلام، لرستان، چهارمحال او بختیاري، کوهګیلویه او بویر احمد، ګیلان، مازندران، سیستان او بلوچستان، هرمزګان او همدان هغه ولایتونه دي چې افغانانو کار کولو بندیز او ممنوع الخروج دي.

د روان کال د تلې په میاشت کې له ۵۴۰ څخه زیاتو ایراني هنرمندانو، وکیلانو، ډاکټرانو، ژورنالیستانو او د مدني ټولنې فعالانو په ایران کې د افغان کډوالو د ځورونې د پای ته رسولو غوښتنه وکړه.

د طالبانو د اقتصاد وزارت څخه په خپره شوې خبرپاڼه کې راغلي، چې د دې ډلې د اقتصاد وزیر دین محمد حنیف د شنبې په ورځ په کابل کې د چین له سفیر ژاو شینګ سره وکتل.

د دغې خبرپاڼې له مخې، په دې کتنه کې په اقتصادي او سوداګريزو همکاريو، په افغانستان کې د پانګونې، د لوګر د مس عينک د سرک د جوړولو او د طالبانو د کارکوونکو لپاره د روزنيزو پروګرامونو پر دوام خبرې وشوې.

په دې کتنه کې د چين سفير ژمنه وکړه، چې له ګاونډيو هېوادونو څخه د راستنېدونکو کډوالو د ستونزو د هواري لپاره به سل مليونه يوانه مرسته وکړي.

پاکستان او ایران هره اونۍ زرګونه افغان کډوال نیسي او افغانستان ته یې استوي.

د طالبانو د کډوالو او راستنېدونکو چارو وزارت د یکشنبې په ورځ د (چنګاښ ۲۴مه) د یوې خبرپاڼې په خپرولو سره ویلی، چې تېره له دوه ګاونډیو هېوادونو څخه یو زر او۹۵۴ تنه افغان کډوال راستانه شول.

دغه وزارت وايي، تېره ورځ ۳۴ کورنۍ چې د غړو شمېر یې ۱۹۳ تنه وو د ننګرهار تورخم له لارې او ۳۶ کورنۍ چې د غړو شمېر یې ۱۹۲ تنه وو، د کندهار سپین بولدک له لارې د پاکستان حکومت له لوري په زور راستنې کړل شوې.

همدارنګه د کډوالو وزارت وايي، په همدې ورځ د نیمروز ولایت د ورېښمو پله له لارې ۱۵۶۹ تنه افغان کډوال د ایران حکومت له لوري په زور او خپله خوښه هېواد ته راستانه کړل شول.

طالبان وايي، تازه راستانه کړل شوي اړمن کډوال یې د مرستو ترلاسه کولو په مخه د ملګرو ملتونو د کډوالۍ عالي کمېشنرۍ او د خوړو نړېوال پروګرام دفترونو ته ورپيژندلي دي.

تېره ورځ د طالبانو د کډوالو وزارت د یوې خبرپانې په خپرولو سره ویلي و، چې د (چنګاښ له ۱۹می تر ۲۲مې) د نیمروز ولایت د وریښمو پله، د هرات ولایت د اسلام کلا، د کندهار ولایت د سپین بولدک، او د ننګرهار د تورخم له لارې ۹۷۳۰ تنه کډوال په زور او خپله خوښه له پاکستان او ایرانه څخه راستانه شوي دي.

دغه کډوال په داسې حال د پاکستان له لوري راستانه کړل شوي چې درې ورځې وړاندې د پاکستان حکومت د یوې اعلامیې په خپرولو سره ویلي و، چې ۱،۴۵ میلیونه افغان کډوالو د اوسیدو موده د یوه بل کال لپاره وغځول شوه.

د طالبانو د کار او ټولنیزو چارو وزارت ویاند سمیع الله ابراهیمي د یکشنبې په ورځ د (چنګاښ ۲۴مه) د یوه ویډیويي کلیپ له لارې وايي، چې د ۱۴۰۳ کال په لومړیو دریو میاشتو کې د یادې ډلې د کار او ټولنیزو چارو وزارت له لوري۲۲۴۲۷ کسانو ته د کار جوازونه ورکړل شوي دي.

نوموړی وايي، په یادو کسانو کې یې۶۱۳ تنه بهرني وګړو ته د کار جوازونه ورکړي دي.

واک د طالبانو له رسیدو وروسته په افغانستان کې داسې کومې خپلواکې ادارې یا سازمانونه نشته چې د طالبانو له لوري خپرې شوې دا ډول شمېرې تایید کړي.

ښاغلی ابراهیمي وايي، یادو بهرنیو وګړو ته د دغې ډلې د اصولو او اړتیاوو ته په کتو یې د کار جوازونه ورکړي دي.

د طالبانو د کار او ټولینزو چارو وزارت د معلوماتو له مخې، ۱۴۵۷۰ تنو نارینو او ۱۲۲۱ تنو ښځو ته،د طالبانو تر واک لاندې ادارو کې او ۶۰۲۳ تنو نارینو او ښځو ته په خصوصي ادارو کې د کار کولو جوازونه ورکړي دي.

د طالبانو د کار او ټولنیزو چارو وزارت ویاند وايي، یاد کسان د طالبانو تر واک لاندې په خصوصي سکټور او موسسو کې په دندو ګمارل شوي دي.

طالبان په داسې مهال د ښځو په ګډون له ۲۲ زرو څخه ډیرو کسانو ته د کار د جوازونو د ورکړي خبر ورکوي، چې له تېرو نږدې دریو کالو راهیسې په افغانستان کې د یادې ډلې له لوري د ښځو پر زده‌کړو، له محرم پرته پر سفر کولو او ډیرو نورو فعالیتونو بندیزونه لګول شوي.