د پاکستان پوځ ومنله، چې تېره ورځ په بنو کې د دوی پر یوه مرکز په موټر بم برید کې اته سرتېري وژل شوي دي؛ خو د ټپیانو په اړه یې څه نه دي ویلي. تر دې وړاندې په سیمه کې پولیس چارواکو خبریالانو ته ویلي و، چې په پېښه کې څلور ولسي کسان وژل شوي او ۲۶ نور ټپیان دي.
د پاکستان پوځ د یوې خبرپاڼې په خپرولو سره ویلي، دغه برید له هغه وروسته وشو چې سرتېرو یې دغه مرکز ته د یوې لس کسیزې ترهګرې ډلې د ننوتو پلان شنډ کړ او وروسته ترهګرو له چاودېدونکو توکو ډک موټر د دغه مرکز دېوال سره وجنګاوه.خبرپاڼه کې راغلي، چې په دغه برید کې ټول لس وسلهوال یې له منځه وړي دي.ويل کېږي، دغه چاودنه ډېره زوروره وه او ورڅېرمه ولسي خلکو ته یې د سر او مال زیانونه اړولي دي.همدارنګه په خبرپاڼه کې راغلي، دغه برید د حافظ ګل بهادر ډلې کړی چې په افغانستان کې فعالیت کوي.ورته مهال د حافظ ګل بهادر ډلې هم ویلي، چې له ۲۴ساعتونو وروسته دغه نښته پایته رسېدلې ده.د حافظ ګل پهادر ډلې لهخوا په خپره شوې خبرپاڼه کې راغلي، چې په دغه برید کې یې ۵۴ سرتېري وژلي دي.د پاکستان پوځ په خبرپاڼه کې دا هم راغلي، چې په تېر کې هم له افغان خاورې په دغه ډول بریدونو کې کار اخیستل شوی و.د پوځ د خبرپاڼې له مخې، د پاکستان حکومت په ځلونو افغان طالبانو سره دغه اندېښنې شریکې کړې وې او له هغوی یې غوښتي و، چې د دغو ډلو پر وړاندې جدي ګامونه پورته کړي.د پاکستان پوځ ویلي، چې افغانستان باید د دغو ټولو پېښېدونکو ګواښونو پر وړاندې جدي اقدام وکړي؛ خو طالبانو تل د پاکستاني چارواکو دغه ادعاوې ردې کړې دي.
د اسشوشیتید پریس خبري اژانس د یو رپوت له مخې؛ دغه هېواد په سلګونو پټ ورکشاپونو او لابراتوارونو کې هڅه کوي، چې د روبوټ داسې اردو رامنځته کړي چې روسي سرتیري ووژني او خپل ټپي شوي سرتېري او ملکي وګړي وژغوري.
په اوکراین کې د دفاع ټېکنالوژی د جوړولو شاوخوا ۲۵۰ مرکزونه په پټو ځایونو کې د وژنې ماشینونه رامنځته کوي، چې معمولاً د کلیوالي موټر ترمیم خونو په څېر ښکاري.
د اندري ډینیسینکو له خوا جوړ شوي مرکز کې کارکوونکي کولی شي په څلورو ورځو کې د اوډیسي په نوم بې چلوونکي ټانک جوړ کړي.
د دغه ټانک تر ټولو مهمه ځانګړتیا د هغه بیه ده، چې په ۳۵۰۰۰ امریکايي ډالرو جوړیږي او د بهر د ورته ماډل د واریدیدو یوازې ۱۰٪ جوړوي.
په دغه مرکز کې یوه وړه خونه ده، چیرې چې د ټانک باډي جوړیږي او بیا یې بېلابېلې برخې سره یوځای کیږي.
بیا دغه ټانګونه په شین رنګ رنګیږي او کمرې، د لرې لارې د کنټرول سنسورونه او بېټري په کې ځای پر ځای کیږي.
د اوکراین پوځ د کورنیو کمپنیو له خوا جوړ شوي لسګونه بې چلوونکي ټانکونه، ډرون الوتکې او کښتۍ ارزوي چې پخوا د لوديځو هېوادونو له خوا په ورته ډول جوړې شوې وې؛ خو اوس یې تولید بند شوی دی.
اوکرایني انجنیران په دفاعي مجلو یا انلاین ویډیوګانو له شته مطالبو ګټه اخلي، چې په ټیټ قیمت جنګي وسایل جوړ کړي او بیا ورته وسلې وروسته وراضافه کړي.
د بې چلونکو ټانکونو د جوړولو د مرکز چلونکي ډینیسینکو وویل: "موږ د یو لوی هېواد سره جګړه کوو او دوی د سرچینو محدودیت نه لري. موږ نه شو کولی چې دې جګړه کې ډېر انسانان له لاسه ورکړو."
هغه زیاته کړه: "جنګ ریاضي ده."
د دغه مرکز له خوا جوړ شوي بې چلونکي ټانکونه ۸۰۰ کیلو ګرامه وزن لري او تر یو ځل چارج وروسته ۳۰ کیلومتره مزل کولای شي.
دغه ټانک چې پروټوټایپ نومول شوی، د سرتیرو د ژغورنې او اکمالاتو لپاره کارول کیږي؛ خو په همدې حال کې د دهشکې په شان د درنو وسلو د کارولو او یا ماین پاکولو لپاره هم کارول کیدای شي.
د اوکراین حکومتي سرچینو ویلي، چې دغه په چلونکي ټانکونه او بې پیلوټه الوتکې د جګړې په ډګر کې ډیرې بریالی دي.
د ډیجیټل بدلون لپاره د لومړي وزیر مرستیال میخیلو فیدوروف اوکراینیان هڅولي چې وړیا انلاین کورسونه واخلي او په کور کې بې پیلوټه الوتکې جوړې کړي.
هغه غواړي چې اوکراینیان په کال کې یو میلیون بې پیلوټه الوتکې جوړې کړي.