په خیبر پښتونخوا کې سرچېنې وايي، چې د پېښور خیبر بازار، قصه خواني، ګنج، لاهورۍ دروازه، کواټۍ، کابلۍ دروازه، شعبه بازار او د صدر بازار ځینې برخې تړل شوې او له پاکستاني پېژندپاڼو پرته خلکو ته د تګ راتګ اجازه نه ورکول کېږي.
دغه سرچېنې وايي، چې د پېښور په ډېرو برخو کې مخابراتي شبکې له کاره غورځول شوې او تر ډېره د موټرو، ریکشو او نورو وسایطو په تګ راتګ هم بندیزونه لګول شوي دي.تر دې وړاندې ټولو افغان کډوالو ته سپارښتنه شوې وه، چې د محرم په شپو ورځو کې دې له کورونو نه راوځي او له سرغړوونکو سره به د قانون سره سم چلن کېږي.څه نا څه یوه میاشت وړاندې افغان کډوالو ته ویل شوي وو، چې (د جون میاشتې له ۲۵مې) نېټې څخه دې (د جولای تر ۲۵مې) نېټې په ښارونو کې له تګ راتګه ډډه وکړي، چې د پولیس چارواکو پر دغې پرېکړې یو شمېر ټولنو او بنسټونو سختې نیوکې هم کړې وې؛ خو وروسته بیا په دغه خبرداریو کې نرمښت راغی، خو لا هم افغان کډوال نه شي کولای په ډاډه زړه په پېښور کې تګ راتګ وکړي.په پېښور ښار کې افغان هټۍوال محمد عیسی افغانستان انټرنشنل پښتو ته وویل، چې د یوې اونۍ راهیسې یې دوکان تړلی دی او د پولیسو له وېرې له کوره د باندې نه شي وتلای.
هغه په دې اړه زیاته کړه: موږ مجبور یو، چې هر ډول امر را ته کېږي موږ به یې منو ان که ناروغ هم راپېښ شي، موږ یې تر روغتونه نه شو رسولای، دلته ټول کډوال په وېره کې دي؛ که له کوره د باندې ځي نو ارو مرو د پولیسو له تاوتریخوالي سره مخامخېږي.
که څه هم چې د عاشورا په شپو ورځو کې هر کال په پېښور او د خیبر پښتونخوا په ځینو ښارونو کې پر خلکو په تېره بیا پر افغان کډوالو بندیزونه زیاتېږي؛ خو سږنی کال داسې ښکاري، چې دغه بندیزونه تر پخوا ډېر زیات شوي چې ورسره د دغو کډوالو ستونزې هم څو برابره ډېرې شوې دي.
د دې تر څنګ هر کال د خیبر پښتونخوا په ډېرو سیمو کې د محرم په میاشت کې د تاوتریخوالي په پېښو راپورونه خپرېږي؛ خو د دغه راپور تر جوړولو له دغو سیمو څخه د تاوتریخوالي د کومې پېښې راپور نه دی ورکړل شوی.
پاکستاني چارواکو تر دې وړاندې هم د دغه هېواد په نا امنیو کې افغانان ښکېل بللي؛ خو افغان کډوال وايي چې دوی په هیڅ ډول امنیتي پېښو کې ښکېل نه دي او تل د دواړو هېوادونو تر منځ د سیاستونو قرباني شوي دي.
د اسشوشیتید پریس خبري اژانس د یو رپوت له مخې؛ دغه هېواد په سلګونو پټ ورکشاپونو او لابراتوارونو کې هڅه کوي، چې د روبوټ داسې اردو رامنځته کړي چې روسي سرتیري ووژني او خپل ټپي شوي سرتېري او ملکي وګړي وژغوري.
په اوکراین کې د دفاع ټېکنالوژی د جوړولو شاوخوا ۲۵۰ مرکزونه په پټو ځایونو کې د وژنې ماشینونه رامنځته کوي، چې معمولاً د کلیوالي موټر ترمیم خونو په څېر ښکاري.
د اندري ډینیسینکو له خوا جوړ شوي مرکز کې کارکوونکي کولی شي په څلورو ورځو کې د اوډیسي په نوم بې چلوونکي ټانک جوړ کړي.
د دغه ټانک تر ټولو مهمه ځانګړتیا د هغه بیه ده، چې په ۳۵۰۰۰ امریکايي ډالرو جوړیږي او د بهر د ورته ماډل د واریدیدو یوازې ۱۰٪ جوړوي.
په دغه مرکز کې یوه وړه خونه ده، چیرې چې د ټانک باډي جوړیږي او بیا یې بېلابېلې برخې سره یوځای کیږي.
بیا دغه ټانګونه په شین رنګ رنګیږي او کمرې، د لرې لارې د کنټرول سنسورونه او بېټري په کې ځای پر ځای کیږي.
د اوکراین پوځ د کورنیو کمپنیو له خوا جوړ شوي لسګونه بې چلوونکي ټانکونه، ډرون الوتکې او کښتۍ ارزوي چې پخوا د لوديځو هېوادونو له خوا په ورته ډول جوړې شوې وې؛ خو اوس یې تولید بند شوی دی.
اوکرایني انجنیران په دفاعي مجلو یا انلاین ویډیوګانو له شته مطالبو ګټه اخلي، چې په ټیټ قیمت جنګي وسایل جوړ کړي او بیا ورته وسلې وروسته وراضافه کړي.
د بې چلونکو ټانکونو د جوړولو د مرکز چلونکي ډینیسینکو وویل: "موږ د یو لوی هېواد سره جګړه کوو او دوی د سرچینو محدودیت نه لري. موږ نه شو کولی چې دې جګړه کې ډېر انسانان له لاسه ورکړو."
هغه زیاته کړه: "جنګ ریاضي ده."
د دغه مرکز له خوا جوړ شوي بې چلونکي ټانکونه ۸۰۰ کیلو ګرامه وزن لري او تر یو ځل چارج وروسته ۳۰ کیلومتره مزل کولای شي.
دغه ټانک چې پروټوټایپ نومول شوی، د سرتیرو د ژغورنې او اکمالاتو لپاره کارول کیږي؛ خو په همدې حال کې د دهشکې په شان د درنو وسلو د کارولو او یا ماین پاکولو لپاره هم کارول کیدای شي.
د اوکراین حکومتي سرچینو ویلي، چې دغه په چلونکي ټانکونه او بې پیلوټه الوتکې د جګړې په ډګر کې ډیرې بریالی دي.
د ډیجیټل بدلون لپاره د لومړي وزیر مرستیال میخیلو فیدوروف اوکراینیان هڅولي چې وړیا انلاین کورسونه واخلي او په کور کې بې پیلوټه الوتکې جوړې کړي.
هغه غواړي چې اوکراینیان په کال کې یو میلیون بې پیلوټه الوتکې جوړې کړي.