د بشري حقونو وکیلان: د فیفا له قوانینو د سرغړونې له امله باید د اسراییل غړیتوب وځنډول شي

د پاکستان د لومړي وزیر له دفتره په خپره شوې ویناپاڼه کې راغلي، چې شهباز شریف په دې اړه له ټولو امنیتي ځواکونو څخه مننه کړې او وایي خوشاله دی چې خلکو په ډاډمنه توګه خپل مذهبي مراسم ترسره کړل.
په تېرو کلونو کې به دغه غونډې د ځینو مذهبي ډلو له‌خوا په تاوتریخوالي بدلېدې او ولسي خلکو ته به په کې ګڼه مرګ ژوبله اوښته.
د دغه هېواد د نورو صوبو پرتله به د تاوتریخوالي زیاتې پېښې د خیبر پښتونخوا په هنګو، ډېره اسماعیل خان، ورکزیو، پاړه چنار او پېښور کې پېښېدې؛ خو سږکال د دغو مراسمو د خوندي ترسره کولو له پاره زرګونه امنیتي ځواکونه پر دندو ګومارل شوي وو او ورسره د څار امنیتي کمرې هم د دغې صوبې په بېلابېلو برخو کې لګول شوې وې.
د خیبر پښتونخوا امنیتي چارواکي وايي، چې دوی د مذهبي فرقه وارۍ د مخنیوي او د عاشورا د ډاډمنو نمانځلو په پار د څار داسې یوه کمېټه جوړه کړې وه چې د صوبې ټولې سیمې یې تر امنیتي پوښښ لاندې راغلې وې.

دا رنګه د پېښور خیبر بازار، قصه خوانۍ، کواټۍ او ګنج بازار ته ټولې غځېدلې لارې د محرم په ورځو کې د هر ډول تګ راتګ لپاره تړل شوې وې او ورتلونکي کسان به هم د امنیتي ځواکونو له‌خوا پلټل کېدل.
خو ځیني سیاسي شنونکي دا هم وايي، چې د پاکستان د تحریک طالبانو په تګلارو کې راغلي بدلون هم د عاشورا په نمانځنه کې تر یوه بریده ونډه لرله.

تر دې وړاندې دغې ډلې به د ولسي خلکو په نښه کولو سره دغه شان غونډې ګډوډولې؛ خو د دغې ډلې په اوسنۍ تګلاره کې یوازې امنیتي ځواکونه په نښه کېږي او له ولسي خلکو سره کار نه لري.
خو لا هم د داعش ډله د شیعه مذهبو سره د دښمنۍ پاللو له امله د یو ګواښ په توګه پاتې ده؛ خو د پاکستان امنیتي ادارې وايي، چې اوس‌مهال یې د دغې ډلې ډېر مرکزونه له منځه وړي او دغه ډله نور د دې توان نه لري چې بریدونه وکړي.
په پاکستان کې ولسي خلک وايي، چې دوی د دغه هېواد په ټولو برخو کې د ډاډمن امنیت غوښتونکي دي؛ خو د دوی په خبره د دغه هېواد امنیتي ځواکونه د امنیت په خوندي کولو او د وسله‌والو په مهلرولو کې پاتې راغلي.
همدغه تېره ورځ وسله‌والو د خیبر پښتونخوا په ډېره اسماعیل خان کې یو روغتون په نښه کړ، چې قربانیان یې د ښځو او ماشومانو په ګډون تر ډېره ولسي خلک ول.

الجزیره لیکلي، چې په غزه کې روغتونونه ډک شوي او ډاکټران ستړي شوي دي.

پرون (سې شنبه) د غزې د روغتیا وزارت په یوه نوي بیان کې ویلي وو، چې د اسراییل په تازه بریدونو کې د مېرمنو او ماشومانو په ګډون ۴۰ کسان وژل شوي او ۹۹ ټپیان شوي دي.

د غزې د روغتیا وزارت غوښتنه کړې، چې نړۍوال طبي هییتونو ته دې غزې ته د ننوتلو اجازه ورکړل شي.

همدا راز اسراییلي ځواکونو له غزې څخه نیول شوي ۱۶ فلسطینیان خوشي کړل.

خوشې شوي فلسطینیان وايي، چې دوی د اسراییل په بند کې شکنجه شوي، برید پرې شوی او سپک شوي دي.

اسراییل د دوشنبې په ورځ هم د غزې په سوېل او مرکزي سیمو کې تازه بریدونه کړي، چې پر حماس لا زیات فشار راوړلي.

د شنبې او یکشنبې په ورځ اسراییل د حماس د پوځي مشر د په نښه کولو په موخه پر خوندي سیمو بمباري وکړه او لسګونه فلسطینیان یې ووژل.

د اکتوبر له اوومې راهیسې په غزه کې د اسراییل په جګړه کې لږ تر لږه ۳۸ زره او ۷۹۴ فلسطینیان وژل شوي او ۸۹ زره او ۳۶۹ نور ټپیان دي.

د اکټوبر له ۷مې نېټې راهیسې د حماس تر مشرۍ لاندې د بریدونو له امله یو زرو ۱۳۹ تنه وژل شوي او لسګونه کسان لا هم په غزه کې بندیان دي.

شهزادګۍ مهره د تېر کال په اپریل میاشت کې له سوداګر شیخ مانع بن محمد بن راشد بن مانع المکتوم سره واده وکړ او د روان کال په می میاشت کې یې لور وزېږېده.

مهره د انسټاګرام ټولنیزې شبکې له لارې خپل مېړه ته په خطاب کې لیکلي: «کله چې ته له نورو سره بوخت یې، زه خپل طلاق اعلانوم، زه تاته طلاق درکوم، زه تاته طلاق درکوم او زه تاته طلاق درکوم. په ځان پام کوه، ستا پخوانۍ مېرمنه.»

100%

له دې سره شهزادګۍ له خپل مېړه سره خپل ټول انځورونه له انسټاګرام ټولنیزې شبکې څخه پاک کړي دي.

د ټولنیزو شبکو کاروونکو ویلي، چې مهره او د هغې مېړه یو بل په انسټاګرام کې انفالو کړي هم دي.

اسلام د طلاق ورکولو حق مېړه ته ورکړی او ښځه یوازې د خله اخیستلو حق لري.

دا خبره د ټولنیزو شبکو ځینو کاروونکو هم کړې، چې طلاق د مېړه له خوا ورکول کیږي او ښځه یوازې خله اخیستلی شي.

سیمه ییزو رسنیو راپور ورکړی، چې نیروشنا له خپلې میرمنې او دوو ماشومانو سره و؛ کله چې نا پېژانده کس پرې ډزې وکړې.

دغه ۴۱ کلن پخوانی کرېکټر د یوه نامعلوم کس له خوا د ۱۲بور وسلې په وسیله وژل شوی دی.

پولیس په اټکلي توګه وایي، چې دا وژنه ښایي د نړۍ یوې ترهګرې ډلې سره تړاو ولري.

د سریلانکا پولیسو د پېښې په اړه په فعاله توګه څېړنې پیل کړي.

د پولیسو د رسنیو ویاند نهال تالډووا وویل: «د هغه مشکوک کس د نیولو لپاره پلټنې روانې دي چې په ډزو کې ښکیل و.»

درې میاشتې وړاندې د نیروشنا نږدې ملګرې داسون مانودو همدې سیمه کې ووژل شو، چې وروسته له دې ژونې نیروشنا له هېواده وتښتید او وروسته له درې میاشتو بیرته راستون شو.

ګال د ډله ییزو وژنو لپاره پېژندل کیږي، چې ډېری قربانیان یې له کرېکټ سره تړلي دي او دا د نیروشنا د وژنې په اړه د تحقیقاتو پیچلتیا زیاتوي.

نیروشنا په ۲۰۰۰ میلادي کال کې د سریلانکا ۱۹ کلنو لوبډلې سره لوبه پیل کړه، دوه کاله یې د ۱۹ کلنو کم عمره ټیسټ لوبه او یو ورځنیو لوبو کې برخه اخیستې ده.

نیروشنا یو تیز توپ اچونکی و؛ خو توپ وهنه یې هم ښه وه.

هغه په ​​فرسټ کلاس، لېست اې او د ۱۹کلنو په کرېکټ کې د توپ اچونې اوسط له ۳۰څخه کم ساتلی دی.

سره له دې چې سینیر ملي ټیم ته یې لاره نه ده موندلې، خو د ۱۹ کلنو په کچه د راتلونکو ستورو لکه انجیلو میتیوز، اپول ترانګا، او فرویز محروف سره یې لوبه کړې ده.

د پاکستان پوځ د (سه‌شنبې په ورځ د چنګاښ ۱۷مه) د ېوې خبرپاڼې په خپرولو سره ویلي، چې دغه برید د خیبر پښتونخوا د ډېره اسماعیل خان ولسوالۍ اړونده سیمې کې پرون ناوخته شوی او وسله‌والو د یوه روغتیايي مرکز کارکوونکي په نښه کړي دي.

ډان ورځپاڼې د پاکستان د پوځ له قوله ویلي، چې پوځي ځواکونو په ځوابي برید کې «درې تنه ترهګر» له منځه وړي؛ خو د دوی دوه تنه سرتېري هم ووژل شول.

ډان د پوځي سرچېنو له قوله ویلي، په برید کې ټول ټال اووه کسه وژل شوي چې دوه تنه یې د دغه روغتیايي مرکز ښځینه کارکوونکې، دوه ماشومان، یو تن یې د مرکز ساتونکی او دوه تنه نور یې پوځیان وو.

دغه برید له وروستي برید یوه ورځ وروسته شوی، چې له امله یې د پاکستاني پوځ اته تنه سرتېري د خیبر پښتونخوا په «بنو»‌ کې وژل شوي وو چې پړه یې د حافظ کل بهادر ډلې منلې وه.

پاکستاني چارواکي وايي، له هغه مهاله چې طالبان په افغانستان کې واک ته رسېدلي، ورسره هم‌مهاله په دغه هېواد کې ترهګریزو بریدونو هم زور اخیستی.

د دوی په وینا، د پاکستان تحریک طالبان ډلې په افغانستان کې پټنځایونه لري او ټول دغه بریدونه له هغه ځایه پلانیږي؛ خو طالبانو تل دغه ادعاوې ردې کړې دي.

که څه هم چې د دغه وروستي برید پړه چا پر غاړه نه ده اخیستې؛ خو ټي‌ټي‌پي په یوه خپره شوې خبرپاڼه کې ویلي، چې دوی نه یوازې چې دغه برید نه دی کړی؛ بلکې پر عامه ځایونو او د ولسي وګړو پر مرګ ژوبله خواشیني دي او د دغه برید غندنه کوي.
د دغې ډلې ویاند محمد خراساني ویلي، چې د دوی د بریدونو موخه یوازې او یوازې د پاکستان امنیتي ځواکونه دي او پر عامو او ولسي خلکو او ودانیو بریدونه د دوی کار نه دی.