د چین په سېچوان ایالت کې په یوه سوداګریز مرکز کې د اور لګېدنې له امله ۸ تنه وژل شوي او ګڼ نور په ودانۍ کې بند پاتې دي. د چين نړۍوالې راډيو د خبر له مخې، د سه شنبې په ورځ د سهار په ۶ بجو د سېچوان ایالت په لويديځ کې په يوه سوداګريز مرکز کې اور ولګېد.
له بل پلوه د دغه سوداګریز مرکز په ۱۴ پوړیزې ودانۍ کې د ایسارو کسانو د اېستلو چارې روانې دي.
راپور کې ویل شوي، چې د اور وژنې د سیمهییزې څانګې شاوخوا ۳۰۰ بېړني کارکوونکي او لسګونه موټرونه د پېښې ځای ته لېږل شوي.د تازه مالوماتو له مخې، اوسمهال د اور لمبې کابو شوې دي.د چارواکو په وینا، د دغه سوداګریز مرکز له ودانۍ څخه ټولټال ۳۰ کسان ژغورل شوي دي.دا لا روښانه نه ده، چې څومره کسان لاهم دننه ایسار پاتې دي.
شهزادګۍ مهره د تېر کال په اپریل میاشت کې له سوداګر شیخ مانع بن محمد بن راشد بن مانع المکتوم سره واده وکړ او د روان کال په می میاشت کې یې لور وزېږېده.
مهره د انسټاګرام ټولنیزې شبکې له لارې خپل مېړه ته په خطاب کې لیکلي: «کله چې ته له نورو سره بوخت یې، زه خپل طلاق اعلانوم، زه تاته طلاق درکوم، زه تاته طلاق درکوم او زه تاته طلاق درکوم. په ځان پام کوه، ستا پخوانۍ مېرمنه.»
له دې سره شهزادګۍ له خپل مېړه سره خپل ټول انځورونه له انسټاګرام ټولنیزې شبکې څخه پاک کړي دي.
د ټولنیزو شبکو کاروونکو ویلي، چې مهره او د هغې مېړه یو بل په انسټاګرام کې انفالو کړي هم دي.
اسلام د طلاق ورکولو حق مېړه ته ورکړی او ښځه یوازې د خله اخیستلو حق لري.
دا خبره د ټولنیزو شبکو ځینو کاروونکو هم کړې، چې طلاق د مېړه له خوا ورکول کیږي او ښځه یوازې خله اخیستلی شي.