په بنګله دېش کې د وروستیو لاریونونو پرمهال لږ تر لږه ۳۲ کسان وژل شوي او تر ۲۵۰۰ ډېر ټپیان دي. دغه لاریونونه د پنجشنبې په ورځ وروسته له هغه لا تاوتریخجن شول، چې لاریونیانو د بنګله دېش دولتي خپرونو ته اور واچاوه.
دغه لاریونونه تېره میاشت وروسته له هغه پیل شول، چې د بنګله دېش عالي محکمې د دولتي دندو لپاره د کوټې سیسټم بېرته نافذ کړ.
له بل پلوه حکومت د بنګله دېش په یو شمېر برخو کې د انټرنېټ د بندولو امر هم کړی.
همدارنګه د بنګله دېش حکومت ښوونځي او پوهنتونونه د پراخو لاریونونو له امله د نامعلومې مودې لپاره تړلي دي.
ویل کېږي، دغه لاریونونه د ځوانانو تر منځ د لوړې بېکارۍ کچې له امله رامنځته شوي چې د ۱۷۰ مېلیوني هېواد نږدې پنځمه برخه ترې کړیږي.
د بښنې نړۍوال سازمان بیا وايي، په بنګله دېش کې اسناد دا تاییدوي چې پولیسو د لاریونوالو په وړاندې ناقانونه ځواک کارولی دی.
دغه سازمان د یوې خبرپاڼې په خپرولو سره د عیني شاهدانو له خولې لیکلي، چې حکومت د لاریون کوونکو پر وړاندې له تاوتریخوالي کار اخیستی.
دغه دفتر ته یو راغلي کډوال وروسته له هغه پولیسو ته زنګ ووهه، چې ولیده چې د دفتر ښیښې ماتې شوي او په کې دننه ګډوډي رامنځته شوې ده.
پولیسو ویلي، چې دغه ورانکاری برید د پنجشنبې په شپه شوی او کیدی شي د فلسطین پلوه لاریونونو سره تړاو ولري.
د پولیسو په وینا؛ په دفتر کې د ملکیت د زیان په ګډون ټوله ورانکاري له بهر څخه ترسره شوې او په ودانۍ او سړک کې "مارک میلر د ماشوم وژونکی" لیکل شوي دي.
په دې وروستیو کې په پرلپسې توګه د میلر دفتر مخې ته له دې امله لاریونونه شوي، چې د فلسطین پلوه کسان په فدرالي حکومت نیوکه کوي، چې د کاناډا د فلسطینیانو د کورنیو د غړو د راوستلو لپاره چې دا مهال په غزه کې بند پاتې دي، کافي کار نه کوي.
د کډوالۍ وزیر مارک میلر د پنجشنبې په ورځ پر اېکس خواله رسنۍ خپور کړي پیغام کې پر خپل دفتر شوی برید تایید کړ او ویې ویل: "دا یو جرمي عمل دی، چې زه یې په کلکه غندم."
میلر لیکلي: "زما همکاران خوندي دي، څوک ژوبل شوي نه دي. دا هغه څه دي چې مونږ ته خورا مهم دي."
تر اوسه د برید په اړه څوک نه دي نیول شوي، خو د پولیسو یو ویاند ویلي، چې دا پېښه د اسراییل او حماس له جګړې سره تړاو لري.