د بلوچستان په ژوب کې د پولیو یوه مثبته پېښه ثبت شوه
دا په پاکستان کې د روان کال د پولیو نهمه پېښه ده، چې د بلوچستان له ژوب څخه راپور شوې ده. د ژوب د حسن زيو سيمې يو نیم کلن ماشوم کې د پوليو ویروس پېژندل شوی دی.
دا په پاکستان کې د روان کال د پولیو نهمه پېښه ده، چې د بلوچستان له ژوب څخه راپور شوې ده. د ژوب د حسن زيو سيمې يو نیم کلن ماشوم کې د پوليو ویروس پېژندل شوی دی.
د روغتیایي خدمتونو په برخه کې د پاکستان د لومړي وزیر سلاکار ډاکټر ملک مختار احمد ویلي، چې سږ کال په دغه هېواد کې نهه ماشومان په ګوزڼ ناروغۍ اخته شوي دي.د پولیو په برخه کې د لومړي وزیر د دفتر مسوولې عایشه رضا فاروق خلکو ته سپارښتنه کړې، چې خپلو ماشومانو ته د پولیو ضد څاڅکي ورکړي.هغې وویل، د دې ناروغۍ د مخنیوي تر ټولو اغېزمنه لار د پولیو واکسین د څو ډوزونو اخیستل دي.په همدې حال کې په پاکستان کې د پوليو د له منځه وړلو د ملي بېړنيو عملياتو د مرکز همغږي کوونکي محمد انور الحق وويل، حکومت سږ کال د پوليو ضد شپږ کمپاينونه ترسره کړي دي.هغه وويل:« د دې ناروغۍ څخه د ماشومانو د ساتنې لپاره بېلابېلې تګلارې په پام کې نيول شوې دي.»پاکستان او افغانستان د نړۍ هغه دوه هېوادونه دي، چې لا هم د پولیو ویروس په کې شته، چې تر ډېره یې لامل د ماشومانو نه واکسین کېدل او د یو شمېر مذهبي او وسلهوالو ډلو د دغه واکسین سره مخالفت ښودل شوی دی.
جولیا کورټیس پر اېکس خواله رسنۍ د دوو نورو پیغامونو د خپرولو له امله چې پر نورو ریشخند بلل کیږي، ۱۲۰۰ یورو جریمه شوې ده.
د ۲۰۲۱ په اکتوبر کې، کله چې اغلې میلوني لا لومړۍ وزیره نه وه او د اپوزیسیون مشري یې کوله، کورټیس د اغلې مالوني یو ایډت شوی انځور پر اېکس خواله رسنۍ خپور کړی و. په دې عکس کې د اډولف هټلر د متحد او دیکتاتور، بینیتو موسولیني عکس د هغې شاته د کتابونو پر الماری په جعلي ډول اضافه شوی و.
اغلې میلوني دغه کار ته پر فیسبوک خپور شوي پیغام کې ځواب ورکړ، او ویې ویل چې د دغه انځور خپرول به "جدي پایلې" ولري او دا چې به د خبریالې پروړاندې به قانوني چلند وکړي.
وروسته په نورو بحثونو کې کورټیس، میلوني د "کوچنۍ ښځې" په توګه یاده کړه. دغې خبریالي په یو جلا پوسټ کې لیکلي و: "جورجیا میلوني، تاسې ما نه شی ویرولی. په هرصورت، تاسو یوازې ۱.۲ متره قد لری. زه حتا تاسو نه شم لیدلی."
د ایټالوي رسنیو د راپور له مخې، میلوني د ۱.۵۸ تر ۱.۶۳ متره پورې لوړوالی لري، که څه هم هغې هیڅکله په رسمي ډول د خپل د قد په اړه څه ندي ویلي.
د میلوني وکیل ویلي، که د محکمې پریکړه تصویب شي، پنځه زره یورو جریمه به خیریه موسسو ته ورکړي.
نوموړی وایي، چې دا لاریون په برېتانیا کې د پښتون ژغورنې غورځنګ څانګې جوړ کړی دی.
د پاکستان پوځ نن د خیبر پښتونخواه په بنو کې پر لاریون کوونکو ډزې کړي، چې د لومړنیو راپورونو له مخې، ۳ کسان وژل شوي او د ماشومانو په ګډون تر شلو ډېر ټپیان شوي دي.
دا لاریون تېره دوشنبه په بنو کې پر یوې پوځي اډې د وسله والو له برید او په غبرګون کې یې د پاکستاني پوځيانو په ځوابي حمله کې د ولسي وګړو د مرګ ژوبلې په اعتراض کې شوی و.
لاریون کوونکي په دې سیمه کې د امنیت ټینګولو او د عزم استحکام عملیاتو د درېدو غوښتنه کوي.
اخوا د پښتون ژغورنې غورځنګ مشر منظور پښتین او د عوامي نشنل ګوند مشر ایمل ولي خان بیا د پښتونخوا په بنو کې پر لاریونوالو د پاکستان د پوځ ډزې غندلي دي.
ښاغلی پښتین وایي، چې د پښتونخوا او بلوچستان په بېلابېلو سیمو کې به د بنو په ملاتړ لاریون وکړي.
نوموړي د وزیرستان او بلوچستان له خلکو وغوښتل، څو د بنو ولسي لاریونوالو د ملاتړ په موخه راووځي او ملاتړ یې وکړي.
د بنو لاریون کوونکي وایي، چې دوی به د وينو په بدل کې خپل وطن زرغون کړي، خو ترهګري ورته د منلو نه ده.
