د چمن ځايي اوسېدونکي وايي، د چمن په پرلت کې د دروازې د خلاصېدو له اعلان څخه دوه ورځې وروسته لاهم د سپین بولدک - چمن دروازه د افغان پېژندپاڼې او پاکستاني شناختي کارډ لرونکو مسافرو پر مخ بنده ده.
د پخوا په څېر د دغې دروازې د خلاصولو اعلان د یک شنبې په ورځ د قبایلي مشرانو له لوري وشو.
خو د چمن او سپین بولدک اوسېدونکي وايي، د پاکستاني ځواکونو لهخوا د پاسپورټ او ویزې پرته د سپین بولدک - چمن پر دروازه د تګ راتګ اجازه نن دویمه ورځ هم نه ورکول کېږي.د سپین بولدک - چمن پر دروازه د پاکستان حکومت له لوري د پاسپورټ او ویزې د حتمي کېدو په غبرګون کې شاوخوا لس میاشتې پرلت وهل شوی و او اعتراضونه وشول.په چمن کې ځايي خبریال احمد ظاهر وايي، تېره ورځ او نن هم پر ډیورنډ کرښه د افغانستان او پاکستان لورو ته تلوونکو مسافرو ته له پاسپورټ او ویزې پرته اجازه نه ورکول کېږي.نوموړی وايي، د پرلت مسوولینو ژمنه کړې چې ډېر ژر به دغه ستونزه حل شي.هغه ویډیو چې افغانستان انټرنشنل پښتو ته استول شوې خلک شکایت کوي، چې د پاکستاني ځواکونو لهخوا د افغانستان لوري ته د تګ اجازه نه ورکول کېږي.د پاکستان حکومت تر اوسه د دغې دروازې د رسمي خلاصېدو په اړه څه نه دي ویلي.خو په کندهار کې د طالبانو امنیه قواندانۍ تېره ورځ د یوې خبرپاڼې په خپرولو سره ویلي، چې د دروازې د خلاصېدو خبرې حقیقت نه لري.
دوی له خلکو غوښتي، چې د دروازې د خلاصېدو په اړه دې د پاکستاني مسوولانو تر ډاډ ورکولو پورې باید پر دغه دروازه له تګ راتګه ډډه وکړي.
نوموړی وایي، چې د بنو د پاڅونونو له پیل راهیسې د پښتون ژغورنې غورځنګ مشرتابه په دې سیمه کې له معترضینو سره موجود دي.
ښاغلي پښتین دغه راز زیاته کړه: «د بنو د امن لاریون کوونکي «شهیدان» او ټپيان نه هېرېږي، ځکه دوی د ننګ او د امن په موخه راوتلي وو.»
هغه د پاکستان پر حکومت په نیوکې سره وویل، چې د ناامنیو اصلي لامل باید پېدا کړي، ځکه پښتانه په دې هېواد کې د ناامنیو لامل نه دي.
منظور پښتین تر دې وړاندې هم ویلي وو، چې د پښتنو ټول سیاسي ګوندونه، ټولنیز سازمانونه او خلک د جګړې پر وړاندې یو دريځ لري.
د نوموړي په وینا؛ په پاکستان کې ترهګزیزې ډلې د پاکستان د پالیسۍ له مخې رامنځته شوي دي.
د پښتون ژغورنې غورځنګ مشر منظور پښتين د بنو له پرلت والو سره تر کتنې وروسته د هغو ټپيانو پوښتنه هم وکړه، چې د لاریونونو په لومړۍ ورځ د پاکستاني پوځيانو له لوري ټپيان شوي و.
نن د بنو د پرلتوالو د اعتراضونو درېیمه ورځ ده.
دغه لاریونونه تېره دوشنبه په بنو کې پر پوځي چوڼۍ د وسله والو له برید او په غبرګون کې یې د پاکستاني پوځيانو په ځوابي حمله کې د ولسي وګړو د مرګ ژوبلې په اعتراض کې وشول.
معترضین په سیمه کې د امنیت ټینګولو او د عزم استحکام عملیاتو د درېدو غوښتنه کوي او وایي، چې تر څو یې غوښتنې منل شوي نه وي خپلو اعتراضونو ته دوام ورکوي.