د المپیک لوبو له پرانیستې څو ساعته وړاندې د اورګاډي پر ګړندي کتار برید شوی

د نتنیاهو سره په دغې لیدنه کې بایډن پر هغه غږ کړی، چې د غزې د اوربند او د یرغمل شویو خوشې کولو په اړه دې ژر تر ژره یوې هوکړې ته ورسېږي.
ورته مهال نتنیاهو وايي، په راتلونکو میاشتو کې به د بایډن سره کار وکړي.
د اسراییل لومړي وزیر بنیامین نتنیاهو د پنجشنبې په ورځ وویل، چې هغه به د خپلې دورې په پاتې موده کې له جوبایډن سره کار وکړي.
نتنیاهو د بایډن سره د لیدنې پر مهال وویل:« زه غواړم له تاسو څخه د ۵۰ کلن عامه خدمت او د اسراییل دولت لپاره له ۵۰ کلن ملاتړه مننه وکړم او زه تمه لرم، چې په راتلونکو میاشتو کې به ستاسو سره ګډ کار وکړم.»

له بل پلوه بیا د فلسطین روغتیايي چارواکي وايي، چې په غزه کې د اسراییل په ځمکني او هوايي عملیاتو کې تر ۳۹۰۰۰ ډېر کسان وژلي چې ډېری یې ولسي وګړي دي.

د فلسطیني چارواکو په وینا، د اسراییل دغو عملیاتو د دې سیمې له ۲.۳ مېلیونه ډېر خلک له خپلو کورونو بې ځایه کړي دي.

د– ګورز ۱ - په نوم دغه عملیات د ترکیې د پولیسو د استخباراتو او د تروریزم ضد ځواکونو له خوا همغږي شوي وو.

دوی په استانبول او انقره او همدارنګه د ترکیې په نورو ولایتونو کې عملیات ترسره کړي دي.

ښاغلي یرلیکایا وویل: "موږ به تروریستانو ته په هېڅ ډول اجازه ورنه کړو. زموږ یوازینی هدف دا دی، چې وروستی ترهګر بې له ځنډه بې وسلې کړو".

د یرلیکایا په وینا؛ د عملیاتو په جریان کې، یو شمېر ډیجیټلي وسایل، بهرنۍ او ترکي پیسې هم تر لاسه شوي دي.

د ترکي رسنیو د راپور له مخې؛ څیړنې ښيي، چې ترکیه افغانستان ته د داعش وسله والو د تګ په یوه ترانزیتي مرکز بدله شوې ده.

د داعش-خراسان هڅه کوي، چې افغانستان کې خپل حضور نور هم قوي کړي او په بیلابیلو موخو بریدونه وکړي.

په دغه راپور کې راغلي، چې په وروستیو کلونو کې ترکي چارواکو په بېلابېلو عملیاتو کې د داعش ګڼ شمېر مشکوک کسان نیولي دي.

د ۲۰۲۳ کال د جولای په میاشت کې د داعش ۱۲ غړي د استانبول په باقشهیر ولسوالۍ کې ونیول شول.

د دوی په منځ کې یو تاجک تبعه سلیم عمروف دوبۍ نه له شړل کیدو وروسته استانبول ته راستون شوی او اوکراین ته یې سفر کاوه چې هرته پر یو کاتولیک کلیسا بریدونه پلان کړي.

راپور کاږي، چې داعش لا هم په نړۍواله کچه یو مهم ګواښ دی.

دغې ډلې د مارچ په میاشت کې د مسکو د کنسرت په تالار کې د یو خونړي برید مسوولیت منلی و، چې ۱۳۷ کسان په کې وژل شوي وو.

د روسي چارواکو له خوا نیول شوي شکمن کسان د تاجکستان وکړي دي، چې ښايي د داعش-خراسان سره تړاو ولري.

نړۍواله سوداګري د مسکو لپاره وروسته له هغه ستونزمنه شوه، چې پر اوکراین د یرغمل له امله لویدیځو هېوادونو ورباندې بندیزونه ولګول او د سویفټ نړۍوال تادیاتو سیسټم ته یې د روسي بانکونو لاسرسی بند کړ.

د روسیې د مالیې وزارت مرستیال وزیر الیکسي سازانوف د دغه نوي قانون طرحې د وړاندې کولو پر مهال وکیلانو ته وویل: "بدلون د اقتصاد پورې تړلی دی." دغه قانون د پارلمان په ولسي جرګه کې تصویب شو.

د دې لپاره چې دغه وړاندیز شوې طرحه پر قانون بدله شي، باید په پارلمان کې د دوو نورو جرګه‌ګیو له خوا ولوستل شي او د پارلمان په مشرانو جرګه کې تصویب او د ولسمشر ولادیمیر پوتین له خوا لاسلیک شي.

سازانوف وویل: "له جوړجاړي پرته د اقتصادي فعالیت ناشونی دی. اوس یو بل میکانیزم وړاندیز شوی چې نړۍوال جوړجاړي ته به اجازه ورکړي."

بهرني بانکونو اوس مهال یوازې په روسیه کې فرعي شرکتونه یا نمایشي دفترونه پرانیزي، نه خپلې رسمي څانګې.

دا قانون به بهرنیو بانکونو ته اجازه ورکړي، چې خپلې څانګې پرانیزي، دغه بانکونه باید د یو میلیارد روبلو زیرمه ولري او بهرني کارمندان یې ۵۰٪ ته محدود وي.

دغه بانکونه به اجازه ونه لري، چې د افرادو لپاره بانکي حسابونو پرانیزي.

سازانوف وویل: "اصلي هدف چې موږ یې د دې قانون له لارې په لټه کې یو د پیسو د دوه اړخیز انتقال ساده کول دي او دا کار د بانکونو د څانګو د جوړېدو له لارې ممکن دی. "

جګړه د اکټوبر په اوومه هغه مهال پیل شوه، چې د حماس وسله والو له پولې په تېرېدو سره پر اسراییلي سیمو برید وکړ.

اسراییل وايي؛ وسله والو په غزه کې تر ۱۲۰۰ ډېر کسان وژلي، چې ډېری یې ولسي وګړي دي او ۲۵۳ نور یې یرغمل کړي دي.

د غزې د روغتیا وزارت رسمي شمېرې ښيي، چې د پنجشنبې په ورځ د جولای تر ۲۵ پورې، ۳۹ زره ۱۷۵ فلسطینیان وژل شوي دي.

د غزې روغتیا چارواکي د وژل شویو شمېر څنګه محاسبه کوي؟

د جګړې په لومړیو میاشتو کې د مړو شمېره په بشپړه توګه د شمېرل شویو جسدونو څخه محاسبه شوې وه، چې روغتونونو ته رسېدلي او په معلوماتو کې د ډېری وژل شویو کسانو نومونه او د هویت شمېرې شاملې وې.

د جګړې په اوږدیدو سره د فعالو روغتونونو او کلینکونو شمېر راټیټ شو، چارواکو د وژل شویو کسانو د شمېر لپاره نورې لارې هم غوره کړې.

د می له پیل راهیسې د روغتیا وزارت د ټولو تلفاتو شمېر ناپېژندل شوي جسدونه هم شامل کړل، چې د ټولټال شمېر نږدې درېیمه برخه جوړوي.

د اسراییل له خوا په اشغال شوې لویدیځه غاړه کې د غزې د روغتیا وزارت د بېړنیو عملیاتو د مرکز مشر عمر حسین علي وویل، چې دا هغه مړي دي چې روغتونونو یا طبي مرکزونو ته پرته له شخصي معلوماتو لکه د هویت شمېره یا بشپړ نومونه رسیدلي دي.

دغه وزارت د کورنۍ د غړو له خوا د وژل شویو کسانو په اړه په انلاین توګه خپاره شوي معلومات هم ثبت کړي او کله چې کورنیو د وژل شویو کسانو د هویت شمېرې ذکر کړي؛ نو دغه وزارت یادې شمېرې د وژل شویو د هویت د تثبیت لپاره کارولي دي.‌

ایا د غزې مرګ ژوبله هر اړخیزه ده؟

د فلسطین د روغتیا وزارت وايي، چې د دوی له خوا خپاره شوي ارقام ښايي د ټولو قربانیانو شمېر ونه ښيي، ځکه چې ډېری وژل شوي لا تر خاورو لاندې دي.

د می په میاشت کې اټکل شوی و، چې شاوخوا ۱۰ زره جسدونه لا د خاورو لاندې دي او د تلفاتو په ټولیز شمېر کې نه دي شامل شوي.‌

د لانسیټ طبي ژورنال د درېیو څېړونکو له خوا خپور شوي لیک کې راغلي، چې د جولای په ۵مه د شوي نوی پرمختګ له مخې اټکل کیږي، چې د جګړې له امله رامنځته کېدونکې نا مستقیمه مړینې، د ناروغۍ په څېر خورا ډېرې دي او دا په دې معنا ده، چې د مړینې شمېره د رسمي اټکلونو څخه څو چنده لوړه ده او ممکن د ۱۸۶ زرو څخه پورته وي.

د سرچینو په خبره؛ دغه ازبک قوماندان چې کلونه یې د طالبانو پر ضد جګړه کړې، له ترکیې څخه تر شړلو وروسته اوس په ایران کې دی.

د سرچینو په وینا؛ قوماندان ګل محمد پهلوان د ترکیې تابعیت تر لاسه کولو لپاره په انقره او استانبول کې ملکیتونه اخیستي وو.

خو د ترکيې حکومت په دغه هېواد کې د جايداد له اخيستلو سره - سره د هغه د اوسېدو اجازه لغوه کړې ده.

ګل محمد پهلوان چې د فاریاب ولایت په شیرین تګاب ولسوالۍ کې پوځي قوماندان و، د ولسي جرګې د ۱۶ دورې په ټاکنو کې د مارشال دوستم په ملاتړ له بلخ ولایت څخه ولسي جرګې ته بریالی شوی و.

سرچينه وايي، ګل محمد پهلوان په تېر حکومت کې د سيمه ييز قوماندان په توګه کلونه - کلونه د طالبانو پر ضد جګړه کړې وه.

تر دې مخکې د سپټمبر په ۲۲مه د جنبش ګوند ځینو سرچینو تایید کړې وه، چې د ترکیې حکومت د عبدالرشید دوستم اړوند پنځه پوځي قوماندانان نیولي او په استانبول کې یې د کډوالو د ساتنې یوه مرکز ته سپارلي دي.

سرچینې افغانستان انټرنشنل ته دا هم ویلي، چې ترکي پولیسو د افغانستان د جنبش ملي ګوند څلور پوځي قوماندانان اړ کړي، چې له ترکیې څخه د اخراج لیکونه لاسلیک کړي.

د دغه ګوند ویاند احسان نیرو د یکشنبې په ورځ تایید کړه، چې د دې ګوند یو قوماندان عزت الله چې په زیل قوماندان مشهور و، د سرپل په ولایت کې د ناپېژانده وسله والو له خوا له ایرانه تر شړلو وروسته وژل شوی دی.