حماس ډلې د یوه بیان په خپرولو د اسماعیل هنیه د وژنې پخلی کړی دی
حماس ډلې د یوې خبرپاڼې په خپرولو سره ویلي، چې په تهران کې د اسراییل په برید کې اسماعیل هنیه د خپل یوه ساتونکي سره وژل شوی دی.
حماس ډلې د یوې خبرپاڼې په خپرولو سره ویلي، چې په تهران کې د اسراییل په برید کې اسماعیل هنیه د خپل یوه ساتونکي سره وژل شوی دی.
د حماس لهخوا په خپره شوې خبرپاڼه کې د اسماعیل هنیه د وژل کېدو په اړه ویل شوي، چې د اسماعیل هنیه په وژنې د فلسطین له خلکو سره خپله خواخوږي څرګندوي.
د حماس مشر موسی ابو مرزوق ویلي:« د اسماعیل هنیه وژل یو نا ځوانمردانه عمل دی او په دغه ډول کړنو سره به اسراییل خپلو موخو ته ونه رسېږي.»د حماس مشر سامي ابوظهري ویلي:« موږ د بیت المقدس د ازادولو لپاره په ښکاره جګړه کوو او د بیت المقدس لپاره هر ډول بیې پرې کولو ته چمتو یو.»د فلسطین د ازادۍ جبهې ویاند مهیر الطاهر وویل:« اسماعیل هنیه خپله ارزښتناکه شتمني د فلسطین د ژغورنې لپاره ورکړه، فلسطینیان د خپل حق لپاره هرې ګرانې او ارزښتناکې قربانۍ ته چمتو دي.»هغه زیاته کړې، چې اسراییل د هر اړخیزې جګړې پر لور روان دی او مقاومتي سازمانونه د جګړې لپاره بشپړ چمتووالی لري.هغه ادعا کوي، چې د اسماعیل هنیه وژنه د امریکا له مرستې پرته نا شونې وه.فلسطیني رسنۍ وايي، د اسماعیل هنیه له وژنې وروسته په غزه او لوېدیځه غاړه کې د سختو نښتو راپورونه هم ورکړل شوي دي.
د رسمياتو له مخې؛ د چارواکو د څوکۍ ترتیب د هېوادونو په ډېپلوماتیکو اړیکو کې لومړیتوبونه په ګوته کوي.
په لومړي صف کې د حماس د سیاسي دفتر مشر اسماعیل هنیه او د یمن د حوثي یاغیانو ویاند محمد عبدالسلام ځای لري.
د طالبانو د رییس الوزرا سیاسي مرستیال عبدالکبیر په څلورم قطار کې ولاړ دی.
په همدې حال کې عبدالکبیر د طالبانو د رژیم یو له مهمو شخصیتونو څخه دی او د طالبانو د رییس الوزرا ملا حسن د ناروغۍ له امله ځیني وخت کې د دغې ډلې د رییس الوزرا رول لوبوي.
په څلورم صف کې د هغه ځای پر ځای کېدل ښيي، چې د ایران اسلامي جمهوریت په افغانستان کې د طالبانو رژیم ته ډېر اهمیت نه ورکوي.
تر دې وړاندې ایراني رسنیو هم د مسعود بزشکیان د لوړې په مراسمو کې د ګډون لپاره د طالبانو د پلاوي د انځورنه په حواله دا موضوع مطرح کړې وه.
د ایران د دیارلسم ولسمشر ابراهیم رییسي د لوړې په مراسمو کې د پخواني جمهوري دولت ولسمشر محمد اشرف غني ګډون کړی و، چې د ډېپلوماتیک عرف په اساس په لومړي قطار کې ولاړ و.
عکسونو ښودلې، چې د ایران اسلامي جمهوریت د طالبان پر وړاندې د حماس او حوثیانو په پرتله ټیټ دریځ لري.
لوېدیځ هېوادونه د یمن حوثي او حماس د ایران اسلامي جمهوریت نیابتي ډلې ګڼي.
طالبان له ایران سره هم نږدې اقتصادي او ډېپلوماتیکې اړیکې لري.
په دې وروستیو کې ایران اسلامي جمهوریت د مشهد کونسلګرۍ دغې ډلې ته وسپارله.
ایراني چارواکو اعلان کړی، چې د دغه هېواد د نوي ولسمشر مسعود بزشکیان د لوړې په مراسمو کې د ۸۶ هېوادونو مشرانو او چارواکو حضور درلود.
دغه راز د تاجکستان ولسمشر، د پاکستان د لومړي وزیر مرستیال او د ارمنستان لومړی وزیر هم کډون کړی و.
د ټاکنو ملي ادارې د شپې ناوخته اعلان کړی، چې مادورو د ۵۱٪ رایو په ګټلو سره د درېیم ځل لپاره ټاکنې ګټلي دي.
دغه پایلې به سوسیالیستي واکمنۍ څلورمې پېړۍ ته وغځوي.
خو د ټاکنو خپلواکو ناظرانو او نظر پوښتنو د اپوزیسیون لویې بریا ته اشاره کړې.
د اپوزیسیون مشر ماچادو ویلي، چې د هغوی کاندید ګونزالیز ۷۰٪ رایې ګټلي دي.
ګونزالیز خپلو پلویانو ته وویل، چې د رایه ورکولو په ورځ له اصولو سرغړونه شوې ده.
هغه وویل: "زموږ د پخلاینې او سوله ییز بدلون پیغام لاهم په خپل ځای دی .زموږ مبارزه دوام لري او موږ به تر هغه وخته ارام نه شو چې د ونزویلا د خلکو ارادې ته درناوی وشي."
دا سمدستي روښانه نه ده، چې د اپوزیسیون راتلونکی اقدام به څه وي.
ګونزالیز دا هم وویل، چې هغه به په خپلو ملاتړ کونکو غږ ونه کړي، چې سړکونو ته راووځي یا کوم تاوتریخوالی وکړي.
خو د نتایجو تر اعلان دمخه په ټول هېواد کې بېلابېلې پېښې رامنځته شوې وې.
په تاچیرا ایالت کې یو سړی په مرموزه توګه وژل شوی و او په کاراکاس او نورو ځایونو کې د رایې ورکولو په مرکزونو کې شخړې شوې وې.
د امریکا د بهرنیو چارو وزیر انتوني بلېنکن ویلي، چې واشنګټن جدي اندېښنه لري، چې د ټاکنو د ادارې له خوا اعلان شوې پایلې د خلکو رایې نه منعکسوي.
د ټاکنو اداره یوه خپلواکه اداره ده؛ خو اپوزیسیون وايي، چې دغه اداره د مادورو د حکومت د یوې برخې په توګه کار کوي.
کاراکاس او واشنګتن د کیڼ اړخه پاپولست هوګو چاویز له دورې راهیسې سره دښمني لري. مادورو - چې ۶۱ کلن پخوانی بس چلوونکی او د بهرنیو چارو وزیر دی.
نوموړي په ۲۰۱۳ کال کې د چاویز د مړینې وروسته حکومتي دنده په غاړه واخیسته او د هغه د ۲۰۱۸ کال بیا ټاکنه د متحده ایالاتو او نورو هېوادونو له خوا نه وه منل شوې او ادعا یې کړې وه، چې ټاکنې یې د درغلیو په پایله کې ګټلي دي.
مادورو د اقتصادي سقوط، د شاوخوا درېیمې برخې نفوس کډوالۍ او په ډېپلوماټیکو اړیکو کې د ناکامۍ له امله له نیوکو سره مخامخ دی.
د متحده ایالاتو، اروپایي ټولنې او نورو هېوادونو له خوا د بندیزونو له امله د دغه هېواد د تیلو صنعت له ستونزو سره مخامخ شوی دی.
