د اردوغان د کابینې وزیر په دوحه کې له انس حقاني سره ګرم روغبړ کړی
د طالبانو یوې رسنیزې څېرې داسې تصویرونه خپاره کړي، چې د حقاني شبکې غړی او د ترکیې د بهرنیو چارو وزیر په قطر کې د اسماعیل هنیه جنازې کې د ګرم روغبړ په حال کې ښيي.
د طالبانو یوې رسنیزې څېرې داسې تصویرونه خپاره کړي، چې د حقاني شبکې غړی او د ترکیې د بهرنیو چارو وزیر په قطر کې د اسماعیل هنیه جنازې کې د ګرم روغبړ په حال کې ښيي.
محمد جلال وويل، چې هاکان فيدان له انس حقاني سره د افغانستان او ترکيې د «ورورولۍ» په اړه خبرې کړې دي.
په هغو عکسونو کې چې د طالبانو رسنیزې څیرې محمد جلال پر اېکس خپاره کړي، انس حقاني او هاکا فیدان په داسې حال کې لیدل شوي چې د یو بل لاسونه یې په کلکه نیولي او سره خاندي.
ښاغلي جلال د جمعې په ورځ ( د زمري ۱۲مه) پر اېکس لیکلي، چې د ترکیې د بهرنیو چارو وزیر د طالبانو هغه پلاوي سره ستړي مشي وکړه، چې د اسماعیل هنیه د جنازې په مراسمو کې د ګډون لپاره دوحې ته تللی و.
ترکیه له طالبانو سره نږدې اړیکې لري. دغه هېواد یو شمېر طالب ډیپلوماټان منلي دي.
د طالبانو یو پلاوی چې په کې د رییس الوزراء مرستیال عبدالکبیر او د سراج الدین حقاني ورور انس حقاني هم شامل دي د حماس د سیاسي دفتر د مشر د جنازې په مراسمو کې د ګډون لپاره دوحې ته تللي دي.
د حماس د سیاسي دفتر مشر اسماعیل هنیه د تېرې چهارشنبې په سهار په تهران کې په خپل مېلمستون کې په یو برید کې ووژل شو.
