د الجزیرې د راپور له مخې، اسراییلي پوځیانو د خان یونس په سیمه کې بمباري وکړه چې په پایله کې یې ۱۸ فلسطینیان وژل شوي دي او زیاته مرګ ژوبله له بمبارۍ وروسته په خیمو کې د اورلګېدنې له امله رامنځ ته شوې ده.
د راپور له مخې، اسراييلي الوتکو د جباليه کډوالو پنډغالی هم بمبار کړی چې په پايله کې يې ګڼو کسانو ته مرګ ژوبله اوښتې ده.
ورته مهال، اسراييلي پوځ له بيت حانون څخه د بې ځايه شويو فلسطينيانو د وتلو امر کړی دی.
له بلې خوا فلسطيني وسلهوالو په رفح کې اسراييلي ټانکونه په نښه کړي دي.
له بل پلوه، اسراييلي الوتکو د لبنان په سوېل کې د حزب الله پر مرکزونو هوايي بريدونه وکړل چې له امله يې د حزب الله يو جنګيالی ووژل شو.
د اکټوبر له اوومې راهيسې پر غزې د اسراييل په روانو بريدونو کې د ښځو او ماشومانو په ګډون شاوخوا څلوېښت زره فلسطينيان وژل شوي دي.
وړمه ورځ د حزب الله مشر حسن نصرالله ویلي و، چې پر اسراییل برید ډېر ژر کېږي او د برید د وخت په اړه ناڅرګندتیا اسراییل ته د سزا ورکولو یوه برخه ده.
