د پاکستان کورنیو چارو وزیر: هیچا ته هم د دولت پرضد د وسلې پورته کولو اجازه نه ور کوو

پوځ هغه مهال پوځ وویل چې د دې بریدونو په ځواب کې یې ۲۱ وسلوال وژلي او په مقابل کې یې د څلورو امنیتي سرتېرو په ګډون ۱۴ پوځیان وژل شوي دي.

د پوځ د عامه اړیکو اداره نن وايي، په دغه صوبه کې یې په دریو تازه عملیاتو کې پنځه وسلوال وژلي او درې یې ټپي کړي دي.

پوځ وايي، تر هغه به یې دا عملیات روان وي چې د تېرې دوشنبې د بریدونو عاملان او د هغوی ملاتړي یې له منځه وړي نه وي.

د بلوڅ ازادۍ پوځ د تېرو بریدونو مسوولیت منلی چې تېرو وروستیو کلونو کې تر ټولو مرګوني بلل کېږي.

دوی اسلام اباد په طبیعي زېرمو لکه سرو، سپینو او مسو د بډایه بلوچستان په لوټولو تورنوي او د دې صوبې د خپلواکۍ اخیستلو لپاره د چین د سترو پروژو د پلیتوب مخه نیسي.

د پاکستان لومړی وزیر هم وايي، دا بریدونه د پاکستان او چین د ګډو پروژو د مخنیوي لپاره دي، چې ارزښت یې ۶۵ میلیارد ډالرو ته رسېږي.

دا پروژې د چین د ولسمشر شي جن پینګ د لار او کمربند پروژې برخه دي.

بېجینګ بلوچستان کې دغه بریدونه غندلي او د وسلوالو پرضد یې د پاکستان د قوي ملاتړ خبره کړې ده.

لاریونوال وایي، د پاکستان د هغې پرېکړي په غبرګون چې د سپین بولدک ـ چمن پر دروازه دې تګ راتګ په پاسپورټ او ویزې ترسره شي بیا پاڅون پیل کړی.

دغه لاریونوال د تورو بیرغونو په لیږدولو او د «ډیورنډ پر فرضي کرښه پاسپورټ» نه منو په شعار ورکولو سره د سوېلي پښتونخوا چمن ښار ته راوتلي دي.

له لاریون سره د ولسي خلکو تر څنګ د ځايي ګوندونو غړو هم ګډون کړی دی.

د چمن پرلت ویاند صادق خان اڅګزی وايي: «موږ په هیڅ صورت له خپلې مبارزي لاس نه اخلو، حکومت مجبوره دی چې زموږ غوښتې ومني. زموږ غوښتنه داده چې پر دروازه باید تګ راتګ له پاسپورټ او ویزې پرته ترسره شي.»

د بلوچستان صوبايي اسمبلۍ غړی هدایت الرحمان لاریون ته په خپله وینا کې وویل، پاکستان حکومت له افغانستان سره اړیکې ترینګلې کړې دي او پر خلکو یې د کاروبار کړۍ راتنګه کړې ده.

نوموړی وايي: «بلوچستان ایالت د نا امنیو ښکار شوی دی، خو حکومت د دې پر ځای چې د ناامنیو مخه ونیسي پر خلکو یې د کاروبار دروازې تړلې دي او د خلکو ژوند یې خراب کړی دی. موږ هیڅکله د پاکستان ناسمو پالیسیو ته نه تسلیمیږو او موږ د خپلو پښتنو او بلوڅو د حقونو لپاره تر مرګه مبارزه کوو.»

په چمن ښار کې ځايي خلکو، سیاسي ګوندونو، دیني عالمانو او سوداګرو څه باندې نهه میاشتې پرلت وهلي و، خو د ځینو کسانو له لوري کابو شل ورځې وړاندې پرلت په دې پلمه پای ته ورسول شو چې د پرلتوالو غوښتنې به منل کیږي.

خو د پرلت یو شمېر غړي وايي، د بلوچستان ایالت ځايي حکومتي چارواکي ورسره پر کړو ژمنو ونه دریدل او دوی بیاځلي لاریون پیل کړ.

د پاکستان رسنیو د جمعې په ورځ د (وږي نهمه) راپور ورکړی، چې تېره شه د خیبرپښتونخوا ایالت د بر دیر په میدان سیمه کې د سختو بارانونو له امله د یوه کور د خونې چت غورځېدو په پېښه کې د یوې کورنۍ ۱۲ کسان مړه شوي.

د پاکستان جیو نوز د ځايي پولیسو په حواله راپور ورکړی، چې په مړو شوي کسانو کې نهه ماشومان، دوه ښځې او یو سړی شامل دي.

پولیسو ویلي، چې د دغو کسان مړي یې له خاورو را ایستلي دي.

د پاکستان رسنیو د خیبرپښتونخوا، ازاد کشمیر، ګلګت بلتستان او پنجاب ایالت کې د سختو اورښتونو، سېلابونو راوتلو او ځمکې ښویېدو راپورونه هم ورکړي دي.

د راپورونو له مخې په یادو سیمو کې ډیری لارې د تګ راتګ پر مخ تړل شوې دي.

خو رسنیو د پاکستان د نورو سیمو څخه د سېلابونو او ورښتونو له امله د ځاني زیانونو په اړه جزیات نه دي ورکړي.

په دې وروستیو کې سختو بارانونو او سیلابونه هند، پاکستان او بنګله دېش سخت ځپلي او د مرګ ژوبلې تر څنګ یې میلیونونه وګړي اغېزمن کړي دي.

په فلسطین کې د روغتیا د نړۍوال سازمان لوړپوړي چارواکي ریک پیپرکورن ویلي، د غزې د شخړو په سیمو کې به درې ورځنۍ ډزبندي وشي.

دغه کمپاین به د غزې په مرکز کې د سهار له شپږو بجو څخه د ماسپښین تر درې بجو پیل شي او بیا به د غزې تر سوېلي او شمالي سیمو وغځیږي.

د روغتیا نړۍوال سازمان د وږي په دویمه ومنله چې په غزه کې لږترلږه یو ماشوم د ویروس ۲ له امله ګوزڼ وهلی دی.

دا په تېرو ۲۵ کلونو کې لومړی ځل دی چې په غزه کې یو ماشوم ګوزڼ وهي او ورغتیا یې زیانمنوي.

تر دې مخکې د اسراييل لومړي وزير بنيامين نتنياهو ويلي و، چې ښايي په غزه کې د پوځي عملياتو يوه برخه وځنډول شي، څو کوچني ماشومان د دې ناروغۍ پر وړاندې واکسين شي.

د حماس یوه چارواکي باسم نعیم رویټرز ته وویل: «موږ د دې کمپاین د امنیت د ټینګښت لپاره له نړۍوالو سازمانونو سره همکارۍ ته چمتو یو، چې په غزه کې له ۶۵۰ زرو څخه د زیاتو فلسطینی ماشومانو خدمت او ساتنه وکړو.»

د اسراییل پوځ د چهارشنبه په ورځ وویل چې د واکسین کمپاین به د پوځ له خوا همغږي شي «د معمول په څير به بشري مرستو ته د لاسرسي لپاره د وقفې په توګه خلکو ته اجازه ورکړي، چې د واکسین ورکولو روغیایي مرکزونو ته ورسیږي.»

پر غزې د اسراییل د بریدونو له پیل راهیسې تر اوسه پورې له ۴۰ زرو ډېر فلسطینیان وژل شوي او شاوخوا ۲،۳ میلیونه وګړي بې ځایه شوي دي.

د فرانسي خبري اژانس د یوه امریکايي چارواکي له قوله ویلي، چې په غزه کې د اوربند او د اسراییلي یرغمل شویو د خوشې کولو په اړه خبرې د قطر په پلازمېنه دوحه کې روانې دي.

د ۱۲ په نوم اسراییلي رسنۍ راپور ورکړی، چې د اسراییل د دفاع وزیر یواو ګالانټ د وږي په اتمه د کابینې په ناسته کې د اوربند د خبرو اترو د ناکامۍ خبرداری ورکړی .

په سیمه کې کړکېچ په وروستیو اونیو کې په تېره بیا په بیروت کې د حزب الله د جګپوړي قوماندان فواد شکر او په تهران کې د حماس د مشر اسماعیل هنیه له وژل کېدو وروسته زیات شوی دی.

د الجزیرې د راپور له مخې؛ دغې د پاپ موسیقۍ ډلې پنجشنبې په ورځ (د وږي ۸مه) په یوه بیان کې ویلي، چې د دغې ډلې مشهوره سندرې په شمول د نڅا ملکه، پیسې، پیسې، پیسې او ګټونکي دا ټول تېره میاشت په مینیسوټا کې د ټرمپ په کمپاین کې غږول شوي.

ریکارډ لیبل یونیورسل میوزیک په یوه خبر کې ویلي: «موږ له ای بي بي ای ډلې سره په ګډه وموندله، چې د دغې ډلې سندرې د ټرمپ په کمپاین کې غږول شوي دي.»

دا لومړۍ ځل نه دی چې هنرمندان ټرمپ د دوی د اجازې پرته خپلو سیاسي برنامو کې د دوی سندرې پر غږولو تورنوي.

د سول او فرنک کورنۍ هنرمند اسحاق هیس د دې میاشتې په پیل کې ټرمپ ته د دوی له اجازې پرته د موسیقۍ په کارولو د قانوني اقدام ګواښ وکړ.

د مارچ په میاشت کې ایرلنډۍ سندرغاړې سیناد اوکوننور هم له ټرمپ څخه وغوښتل چې خپلو کمپایني غونډو کې د دې مشهوره سندره «هېڅ هم له تاسره نه پرتله کیږي» نه غږوي.